2 Samuel 9 (Codex W. Leningrad)

2 Samuel 9

(Codex W. Leningrad)

¹ וַיֹּ֣אמֶר דָּוִ֔ד הֲכִ֣י יֶשׁ־ ע֔וֹד אֲשֶׁ֥ר נוֹתַ֖ר לְבֵ֣ית שָׁא֑וּל וְאֶעֱשֶׂ֤ה עִמּוֹ֙ חֶ֔סֶד בַּעֲב֖וּר יְהוֹנָתָֽן׃ ² וּלְבֵ֨ית שָׁא֥וּל עֶ֙בֶד֙ וּשְׁמ֣וֹ צִיבָ֔א וַיִּקְרְאוּ־ ל֖וֹ אֶל־ דָּוִ֑ד וַיֹּ֨אמֶר הַמֶּ֧לֶךְ אֵלָ֛יו הַאַתָּ֥ה צִיבָ֖א וַיֹּ֥אמֶר עַבְדֶּֽךָ׃ ³ וַיֹּ֣אמֶר הַמֶּ֗לֶךְ הַאֶ֨פֶס ע֥וֹד אִישׁ֙ לְבֵ֣ית שָׁא֔וּל וְאֶעֱשֶׂ֥ה עִמּ֖וֹ חֶ֣סֶד אֱלֹהִ֑ים וַיֹּ֤אמֶר צִיבָא֙ אֶל־ הַמֶּ֔לֶךְ ע֛וֹד בֵּ֥ן לִיהוֹנָתָ֖ן נְכֵ֥ה רַגְלָֽיִם׃ ⁴ וַיֹּֽאמֶר־ ל֥וֹ הַמֶּ֖לֶךְ אֵיפֹ֣ה ה֑וּא וַיֹּ֤אמֶר צִיבָא֙ אֶל־ הַמֶּ֔לֶךְ הִנֵּה־ ה֗וּא בֵּ֛ית מָכִ֥יר בֶּן־ עַמִּיאֵ֖ל בְּל֥וֹ דְבָֽר׃ ⁵ וַיִּשְׁלַ֖ח הַמֶּ֣לֶךְ דָּוִ֑ד וַיִּקָּחֵ֗הוּ מִבֵּ֛ית מָכִ֥יר בֶּן־ עַמִּיאֵ֖ל מִלּ֥וֹ דְבָֽר׃ ⁶ וַ֠יָּבֹא מְפִיבֹ֨שֶׁת בֶּן־ יְהוֹנָתָ֤ן בֶּן־ שָׁאוּל֙ אֶל־ דָּוִ֔ד וַיִּפֹּ֥ל עַל־ פָּנָ֖יו וַיִּשְׁתָּ֑חוּ וַיֹּ֤אמֶר דָּוִד֙ מְפִיבֹ֔שֶׁת וַיֹּ֖אמֶר הִנֵּ֥ה עַבְדֶּֽךָ׃ ⁷ וַיֹּאמֶר֩ ל֨וֹ דָוִ֜ד אַל־ תִּירָ֗א כִּ֣י עָשֹׂה֩ אֶעֱשֶׂ֨ה עִמְּךָ֥ חֶ֙סֶד֙ בַּֽעֲבוּר֙ יְהוֹנָתָ֣ן אָבִ֔יךָ וַהֲשִׁבֹתִ֣י לְךָ֔ אֶֽת־ כָּל־ שְׂדֵ֖ה שָׁא֣וּל אָבִ֑יךָ וְאַתָּ֗ה תֹּ֥אכַל לֶ֛חֶם עַל־ שֻׁלְחָנִ֖י תָּמִֽיד׃ ⁸ וַיִּשְׁתַּ֕חוּ וַיֹּ֖אמֶר מֶ֣ה עַבְדֶּ֑ךָ כִּ֣י פָנִ֔יתָ אֶל־ הַכֶּ֥לֶב הַמֵּ֖ת אֲשֶׁ֥ר כָּמֽוֹנִי׃ ⁹ וַיִּקְרָ֣א הַמֶּ֗לֶךְ אֶל־ צִיבָ֛א נַ֥עַר שָׁא֖וּל וַיֹּ֣אמֶר אֵלָ֑יו כֹּל֩ אֲשֶׁ֨ר הָיָ֤ה לְשָׁאוּל֙ וּלְכָל־ בֵּית֔וֹ נָתַ֖תִּי לְבֶן־ אֲדֹנֶֽיךָ׃ ¹⁰ וְעָבַ֣דְתָּ לּ֣וֹ אֶֽת־ הָאֲדָמָ֡ה אַתָּה֩ וּבָנֶ֨יךָ וַעֲבָדֶ֜יךָ וְהֵבֵ֗אתָ וְהָיָ֨ה לְבֶן־ אֲדֹנֶ֤יךָ לֶּ֙חֶם֙ וַאֲכָל֔וֹ וּמְפִיבֹ֙שֶׁת֙ בֶּן־ אֲדֹנֶ֔יךָ יֹאכַ֥ל תָּמִ֛יד לֶ֖חֶם עַל־ שֻׁלְחָנִ֑י וּלְצִיבָ֗א חֲמִשָּׁ֥ה עָשָׂ֛ר בָּנִ֖ים וְעֶשְׂרִ֥ים עֲבָדִֽים׃ ¹¹ וַיֹּ֤אמֶר צִיבָא֙ אֶל־ הַמֶּ֔לֶךְ כְּכֹל֩ אֲשֶׁ֨ר יְצַוֶּ֜ה אֲדֹנִ֤י הַמֶּ֙לֶךְ֙ אֶת־ עַבְדּ֔וֹ כֵּ֖ן יַעֲשֶׂ֣ה עַבְדֶּ֑ךָ וּמְפִיבֹ֗שֶׁת אֹכֵל֙ עַל־ שֻׁלְחָנִ֔י כְּאַחַ֖ד מִבְּנֵ֥י הַמֶּֽלֶךְ׃ ¹² וְלִמְפִיבֹ֥שֶׁת בֵּן־ קָטָ֖ן וּשְׁמ֣וֹ מִיכָ֑א וְכֹל֙ מוֹשַׁ֣ב בֵּית־ צִיבָ֔א עֲבָדִ֖ים לִמְפִיבֹֽשֶׁת׃ ¹³ וּמְפִיבֹ֗שֶׁת יֹשֵׁב֙ בִּיר֣וּשָׁלִַ֔ם כִּ֣י עַל־ שֻׁלְחַ֥ן הַמֶּ֛לֶךְ תָּמִ֖יד ה֣וּא אֹכֵ֑ל וְה֥וּא פִסֵּ֖חַ שְׁתֵּ֥י רַגְלָֽיו׃

Références croisées

9:1 2S 1:26, 1S 18:1-4, 1S 20:14-17, 1S 20:42, 1S 23:16-18, 1R 2:7, Pr 27:10, Mt 10:42, Mt 25:40, Mc 9:41, Jn 19:26-27, Phm 1:9-12, 1P 3:8
Réciproques : Gn 40:14, Js 2:14, Rt 2:20, 1S 18:3, 1S 20:15, 1S 23:18, 2S 9:7, 1Ch 19:2, Pr 17:17, Pr 18:24, Es 32:8, Phm 1:10
9:2 Gn 15:2-3, Gn 24:2, Gn 39:6, 2S 16:1-4, 2S 19:17, 2S 19:27-29
9:3 Dt 4:37, Dt 10:15, 1S 20:14-17, Mt 5:44-45, Lc 6:36, Tt 3:3-4, 2S 4:4, 2S 19:26
Réciproques : 2S 2:6, 2S 9:7, 2S 9:13
9:4 2S 17:27-29, Js 13:26
9:5 Réciproques : Js 13:26
9:6 1Ch 8:34, 1Ch 9:40, Gn 18:2, Gn 33:3, 1S 20:41, 1S 25:23
Réciproques : 1S 22:12, 2S 1:7, 2S 19:24, 1R 1:31
9:7 Gn 43:18, Gn 43:23, Gn 50:18-21, 1S 12:19-20, 1S 12:24, Es 35:3-4, Mc 5:33-34, Lc 1:12-13, Lc 1:29, Lc 1:30, 2S 9:1, 2S 9:3, Rt 2:11-12, 2Tm 1:16-18, 2S 9:11, 2S 19:28, 2S 19:33, 1R 2:7, Ps 41:9, Jr 25:33-34, Mt 6:11, Lc 22:30, Ap 3:20
Réciproques : Ex 18:12, 2S 2:6, 2S 9:10, 2S 9:13, 2R 8:6, 2R 25:29, 1Ch 19:2, Ne 5:17, Est 8:2, Jr 52:33, Dn 5:2, Mt 25:40
9:8 2S 3:8, 2S 16:9, 1S 24:14-15, 1S 26:20, Mt 15:26-27
Réciproques : Rt 2:10, 1S 17:43, 2S 19:28, 2S 24:20, 2R 8:13
9:9 2S 16:4, 2S 19:29, 1S 9:1, Es 32:8
Réciproques : 2S 16:1, 2S 16:3, Lc 22:30
9:10 1R 2:7, 2S 9:7, 2S 9:11-13, 2S 19:28, 2R 25:29, Lc 14:15
Réciproques : 2S 9:13, 2S 16:3, 2S 19:17, 2S 21:7, 1Ch 8:34, Jr 52:34, Lc 22:30
9:11 2S 19:17, 2S 16:1-4, 2S 19:26
Réciproques : 2S 9:7, 2S 9:10, 2S 9:13, 2S 19:33
9:12 1Ch 8:8, 1Ch 8:34-40, 1Ch 9:40-44, Mi 7:5-6
9:13 2S 9:7, 2S 9:10, 2S 9:11, 2S 9:3
Réciproques : 2S 19:28, Ne 5:17, Jr 52:33

Notes de la Bible Codex W. Leningrad

A savoir : les notes ne font PAS partie du texte biblique. Plus d'informations
2 Samuel 9

9.9 We read one or more consonants in L differently from BHS.