2 Chroniques 10 (Codex W. Leningrad)

2 Chroniques 10

(Codex W. Leningrad)

¹ וַיֵּ֥לֶךְ רְחַבְעָ֖ם שְׁכֶ֑מָה כִּ֥י שְׁכֶ֛ם בָּ֥אוּ כָל־ יִשְׂרָאֵ֖ל לְהַמְלִ֥יךְ אֹתֽוֹ׃ ² וַיְהִ֞י כִּשְׁמֹ֨עַ יָרָבְעָ֤ם בֶּן־ נְבָט֙ וְה֣וּא בְמִצְרַ֔יִם אֲשֶׁ֣ר בָּרַ֔ח מִפְּנֵ֖י שְׁלֹמֹ֣ה הַמֶּ֑לֶךְ וַיָּ֥שָׁב יָרָבְעָ֖ם מִמִּצְרָֽיִם׃ ³ וַֽיִּשְׁלְחוּ֙ וַיִּקְרְאוּ־ ל֔וֹ וַיָּבֹ֥א יָרָבְעָ֖ם וְכָל־ יִשְׂרָאֵ֑ל וַֽיְדַבְּר֔וּ אֶל־ רְחַבְעָ֖ם לֵאמֹֽר׃ ⁴ אָבִ֖יךָ הִקְשָׁ֣ה אֶת־ עֻלֵּ֑נוּ וְעַתָּ֡ה הָקֵל֩ מֵעֲבֹדַ֨ת אָבִ֜יךָ הַקָּשָׁ֗ה וּמֵעֻלּ֧וֹ הַכָּבֵ֛ד אֲשֶׁר־ נָתַ֥ן עָלֵ֖ינוּ וְנַֽעַבְדֶֽךָּ׃ ⁵ וַיֹּ֣אמֶר אֲלֵהֶ֗ם ע֛וֹד שְׁלֹ֥שֶׁת יָמִ֖ים וְשׁ֣וּבוּ אֵלָ֑י וַיֵּ֖לֶךְ הָעָֽם׃ ⁶ וַיִּוָּעַ֞ץ הַמֶּ֣לֶךְ רְחַבְעָ֗ם אֶת־ הַזְּקֵנִים֙ אֲשֶׁר־ הָי֣וּ עֹֽמְדִ֗ים לִפְנֵי֙ שְׁלֹמֹ֣ה אָבִ֔יו בִּֽהְיֹת֥וֹ חַ֖י לֵאמֹ֑ר אֵ֚יךְ אַתֶּ֣ם נֽוֹעָצִ֔ים לְהָשִׁ֥יב לָֽעָם־ הַזֶּ֖ה דָּבָֽר׃ ⁷ וַיְדַבְּר֨וּ אֵלָ֜יו לֵאמֹ֗ר אִם־ תִּֽהְיֶ֨ה לְט֜וֹב לְהָעָ֤ם הַזֶּה֙ וּרְצִיתָ֔ם וְדִבַּרְתָּ֥ אֲלֵהֶ֖ם דְּבָרִ֣ים טוֹבִ֑ים וְהָי֥וּ לְךָ֛ עֲבָדִ֖ים כָּל־ הַיָּמִֽים׃ ⁸ וַֽיַּעֲזֹ֛ב אֶת־ עֲצַ֥ת הַזְּקֵנִ֖ים אֲשֶׁ֣ר יְעָצֻ֑הוּ וַיִּוָּעַ֗ץ אֶת־ הַיְלָדִים֙ אֲשֶׁ֣ר גָּדְל֣וּ אִתּ֔וֹ הָעֹמְדִ֖ים לְפָנָֽיו׃ ⁹ וַיֹּ֣אמֶר אֲלֵהֶ֗ם מָ֚ה אַתֶּ֣ם נֽוֹעָצִ֔ים וְנָשִׁ֥יב דָּבָ֖ר אֶת־ הָעָ֣ם הַזֶּ֑ה אֲשֶׁ֨ר דִּבְּר֤וּ אֵלַי֙ לֵאמֹ֔ר הָקֵל֙ מִן־ הָעֹ֔ל אֲשֶׁר־ נָתַ֥ן אָבִ֖יךָ עָלֵֽינוּ׃ ¹⁰ וַיְדַבְּר֣וּ אִתּ֗וֹ הַיְלָדִים֙ אֲשֶׁ֨ר גָּדְל֣וּ אִתּוֹ֮ לֵאמֹר֒ כֹּֽה־ תֹאמַ֡ר לָעָם֩ אֲשֶׁר־ דִּבְּר֨וּ אֵלֶ֜יךָ לֵאמֹ֗ר אָבִ֙יךָ֙ הִכְבִּ֣יד אֶת־ עֻלֵּ֔נוּ וְאַתָּ֖ה הָקֵ֣ל מֵעָלֵ֑ינוּ כֹּ֚ה תֹּאמַ֣ר אֲלֵהֶ֔ם קָֽטָנִּ֥י עָבָ֖ה מִמָּתְנֵ֥י אָבִֽי׃ ¹¹ וְעַתָּ֗ה אָבִי֙ הֶעְמִ֤יס עֲלֵיכֶם֙ עֹ֣ל כָּבֵ֔ד וַאֲנִ֖י אֹסִ֣יף עַֽל־ עֻלְּכֶ֑ם אָבִ֗י יִסַּ֤ר אֶתְכֶם֙ בַּשּׁוֹטִ֔ים וַאֲנִ֖י בָּֽעֲקְרַבִּֽים׃ ¹² וַיָּבֹ֨א יָרָבְעָ֧ם וְכָל־ הָעָ֛ם אֶל־ רְחַבְעָ֖ם בַּיּ֣וֹם הַשְּׁלִשִׁ֑י כַּאֲשֶׁ֨ר דִּבֶּ֤ר הַמֶּ֙לֶךְ֙ לֵאמֹ֔ר שׁ֥וּבוּ אֵלַ֖י בַּיּ֥וֹם הַשְּׁלִשִֽׁי׃ ¹³ וַיַּעֲנֵ֥ם הַמֶּ֖לֶךְ קָשָׁ֑ה וַֽיַּעֲזֹב֙ הַמֶּ֣לֶךְ רְחַבְעָ֔ם אֵ֖ת עֲצַ֥ת הַזְּקֵנִֽים׃ ¹⁴ וַיְדַבֵּ֣ר אֲלֵהֶ֗ם כַּעֲצַ֤ת הַיְלָדִים֙ לֵאמֹ֔ר אַכְבִּיד֙ אֶֽת־ עֻלְּכֶ֔ם וַאֲנִ֖י אֹסִ֣יף עָלָ֑יו אָבִ֗י יִסַּ֤ר אֶתְכֶם֙ בַּשּׁוֹטִ֔ים וַאֲנִ֖י בָּעֲקְרַבִּֽים׃ ¹⁵ וְלֹֽא־ שָׁמַ֥ע הַמֶּ֖לֶךְ אֶל־ הָעָ֑ם כִּֽי־ הָיְתָ֤ה נְסִבָּה֙ מֵעִ֣ם הָֽאֱלֹהִ֔ים לְמַעַן֩ הָקִ֨ים יְהוָ֜ה אֶת־ דְּבָר֗וֹ אֲשֶׁ֤ר דִּבֶּר֙ בְּיַד֙ אֲחִיָּ֣הוּ הַשִּֽׁלוֹנִ֔י אֶל־ יָרָבְעָ֖ם בֶּן־ נְבָֽט׃ ¹⁶ וְכָל־ יִשְׂרָאֵ֗ל כִּ֠י לֹא־ שָׁמַ֣ע הַמֶּלֶךְ֮ לָהֶם֒ וַיָּשִׁ֣יבוּ הָעָ֣ם אֶת־ הַמֶּ֣לֶךְ ׀ לֵאמֹ֡ר מַה־ לָּנוּ֩ חֵ֨לֶק בְּדָוִ֜יד וְלֹֽא־ נַחֲלָ֣ה בְּבֶן־ יִשַׁ֗י אִ֤ישׁ לְאֹהָלֶ֙יךָ֙ יִשְׂרָאֵ֔ל עַתָּ֕ה רְאֵ֥ה בֵיתְךָ֖ דָּוִ֑יד וַיֵּ֥לֶךְ כָּל־ יִשְׂרָאֵ֖ל לְאֹהָלָֽיו׃ ¹⁷ וּבְנֵ֣י יִשְׂרָאֵ֔ל הַיֹּֽשְׁבִ֖ים בְּעָרֵ֣י יְהוּדָ֑ה וַיִּמְלֹ֥ךְ עֲלֵיהֶ֖ם רְחַבְעָֽם׃ ¹⁸ וַיִּשְׁלַ֞ח הַמֶּ֣לֶךְ רְחַבְעָ֗ם אֶת־ הֲדֹרָם֙ אֲשֶׁ֣ר עַל־ הַמַּ֔ס וַיִּרְגְּמוּ־ ב֧וֹ בְנֵֽי־ יִשְׂרָאֵ֛ל אֶ֖בֶן וַיָּמֹ֑ת וְהַמֶּ֣לֶךְ רְחַבְעָ֗ם הִתְאַמֵּץ֙ לַֽעֲל֣וֹת בַּמֶּרְכָּבָ֔ה לָנ֖וּס יְרוּשָׁלִָֽם׃ ¹⁹ וַיִּפְשְׁע֤וּ יִשְׂרָאֵל֙ בְּבֵ֣ית דָּוִ֔יד עַ֖ד הַיּ֥וֹם הַזֶּֽה׃

Références croisées

10:1 1R 12:1, 1Ch 3:10, Mt 1:7, Gn 12:6, Gn 37:12-13, Js 20:7, Js 24:1, Jg 9:1, 1R 4:1, 1Ch 12:38
10:2 1R 11:26, 1R 11:28, 1R 11:40, 1R 12:2
10:3 1R 12:3
Réciproques : 1R 12:2
10:4 1S 8:11-18, 1R 12:4, Es 47:6, Mt 11:29-30, Mt 23:4, 1Jn 5:3, Ex 1:13-14, Ex 2:23, 1R 4:20, 1R 4:25, 1R 9:22
Réciproques : 2Ch 10:9, 2Ch 10:11
10:5 1R 12:5, Pr 3:28
Réciproques : 1R 12:4, 2Ch 10:12
10:6 Jb 12:12-13, Jb 32:7, Pr 12:15, Pr 19:20, Pr 27:10, Jr 42:2-5, Jr 42:20, 2S 16:20, 2S 17:5-6
Réciproques : 2S 20:1, 1R 12:7, 2Ch 10:9
10:7 1R 12:7, Pr 15:1, Gn 49:21, 2S 15:2-6
10:8 2Ch 25:15-16, 2S 17:14, Pr 1:25, Pr 9:9, Pr 19:20, Pr 25:12, Ec 10:2-3, Ec 10:16, Es 30:1
Réciproques : 1R 12:8, 2Ch 10:13, 2Ch 11:23, 2Ch 24:17
10:9 2Ch 10:6, 2S 17:5-6, 1R 22:6-8, 2Ch 10:4
Réciproques : 1R 12:9, 1Ch 21:8
10:10 2S 17:7-13, Pr 21:30, Es 19:11-13, 1R 12:10-11, Pr 10:14, Pr 13:16, Pr 14:16, Pr 18:6-7, Pr 28:25, Pr 29:23
Réciproques : 2Ch 10:14
10:11 2Ch 10:4, Ex 1:13-14, Ex 5:5-9, Ex 5:18, 1S 8:18, Es 47:6, Es 58:6, Jr 28:13-14, Mt 11:29, Lc 10:19, Ap 9:3, Ap 9:5, Ap 9:10
Réciproques : 1R 12:10, 2Ch 10:14
10:12 2Ch 10:5, 1R 12:12-15
10:13 Gn 42:7, Gn 42:30, Ex 10:28, 1S 25:10-11, 1R 20:6-11, Pr 15:1, 2Ch 10:8, Pr 19:27
Réciproques : Ec 2:19, Jc 3:6
10:14 2Ch 22:4-5, Pr 12:5, Dn 6:7, 2Ch 10:10-11, Pr 17:14, Ec 2:19, Ec 7:8, Ec 10:16, Jc 3:14-18, Jc 4:1-2
10:15 Es 30:12-13, 2Ch 25:16-20, Dt 2:30, Jg 14:4, 1S 2:25, 1R 12:15, 1R 12:24, 1R 22:20, Es 19:14, Ac 2:23, Ac 4:28, 1R 11:29-39, Jn 12:37-39, Jn 19:24, Jn 19:32-36, 2Ch 9:29, 1R 11:31
Réciproques : Jg 9:23, 1S 25:38, 1R 11:35, 1R 16:12, 2R 17:21, 2Ch 11:4, 2Ch 22:7
10:16 2S 20:1, 1R 12:16-17, 1S 20:27, 1S 20:30, 1S 20:31, 1S 22:7, 1S 22:9, 1S 22:13, 2S 7:15-16, 1R 11:13, 1R 11:34-39, 1Ch 17:14, Ps 2:1-6, Ps 76:10, Ps 89:29-37, Ps 132:17, Es 9:6-7, Es 11:1, Jr 33:20-21, Jr 33:25, Jr 33:26, Ez 37:24-25, Am 9:11, Lc 1:32-33, Lc 19:14, Lc 19:27, Ac 2:30, 1Co 15:25, Ap 22:16, 2Ch 10:19, Jg 8:35, 2S 15:13, 2S 16:11, Jn 6:66, Jn 7:53
Réciproques : 2Ch 11:4, 2Ch 13:7, Es 7:17, Lc 11:17
10:17 2Ch 11:1, 1R 11:36, 1R 12:17
Réciproques : 2S 20:2, Ec 1:1, Ez 37:16
10:18 1R 4:6, 1R 5:14, 2Ch 10:18, 2Ch 24:21, Ac 7:57-58
Réciproques : 1R 12:18
10:19 2Ch 10:16, 2Ch 13:5-7, 1R 12:19-20, 2R 17:21-23, Ps 89:30, 2Ch 5:9, Js 4:9, Esd 9:7
Réciproques : Js 22:15, 2Ch 13:6, Ps 89:45, Ez 37:16

Notes de la Bible Codex W. Leningrad

A savoir : les notes ne font PAS partie du texte biblique. Plus d'informations
2 Chroniques 10

10.10 Marks an anomalous form.