KJV ¹ Nebuchadnezzar the king made an image of gold, whose height was threescore cubits, and the breadth thereof six cubits: he set it up in the plain of Dura, in the province of Babylon.

VULC ¹ Nabuchodonosor rex fecit statuam auream, altitudine cubitorum sexaginta, latitudine cubitorum sex, et statuit eam in campo Dura, provinciæ Babylonis.

KJV ² Then Nebuchadnezzar the king sent to gather together the princes, the governors, and the captains, the judges, the treasurers, the counsellors, the sheriffs, and all the rulers of the provinces, to come to the dedication of the image which Nebuchadnezzar the king had set up.

VULC ² Itaque Nabuchodonosor rex misit ad congregandos satrapas, magistratus, et judices, duces, et tyrannos, et præfectos, omnesque principes regionum, ut convenirent ad dedicationem statuæ quam erexerat Nabuchodonosor rex.

KJV ³ Then the princes, the governors, and captains, the judges, the treasurers, the counsellors, the sheriffs, and all the rulers of the provinces, were gathered together unto the dedication of the image that Nebuchadnezzar the king had set up; and they stood before the image that Nebuchadnezzar had set up.

VULC ³ Tunc congregati sunt satrapæ, magistratus, et judices, duces, et tyranni, et optimates, qui erant in potestatibus constituti, et universi principes regionum, ut convenirent ad dedicationem statuæ, quam erexerat Nabuchodonosor rex. Stabant autem in conspectu statuæ, quam posuerat Nabuchodonosor rex :

KJV ⁴ Then an herald cried aloud, To you it is commanded, O people, nations, and languages,

VULC ⁴ et præco clamabat valenter : Vobis dicitur populis, tribubus, et linguis :

KJV ⁵ That at what time ye hear the sound of the cornet, flute, harp, sackbut, psaltery, dulcimer, and all kinds of musick, ye fall down and worship the golden image that Nebuchadnezzar the king hath set up:

VULC ⁵ in hora qua audieritis sonitum tubæ, et fistulæ, et citharæ, sambucæ, et psalterii, et symphoniæ, et universi generis musicorum, cadentes adorate statuam auream, quam constituit Nabuchodonosor rex.

KJV ⁶ And whoso falleth not down and worshippeth shall the same hour be cast into the midst of a burning fiery furnace.

VULC ⁶ Si quis autem non prostratus adoraverit, eadem hora mittetur in fornacem ignis ardentis.

KJV ⁷ Therefore at that time, when all the people heard the sound of the cornet, flute, harp, sackbut, psaltery, and all kinds of musick, all the people, the nations, and the languages, fell down and worshipped the golden image that Nebuchadnezzar the king had set up.

VULC ⁷ Post hæc igitur, statim ut audierunt omnes populi sonitum tubæ, fistulæ, et citharæ, sambucæ, et psalterii, et symphoniæ, et omnis generis musicorum, cadentes omnes populi, tribus, et linguæ adoraverunt statuam auream, quam constituerat Nabuchodonosor rex.

KJV ⁸ Wherefore at that time certain Chaldeans came near, and accused the Jews.

VULC ⁸ Statimque in ipso tempore accedentes viri Chaldæi accusaverunt Judæos :

KJV ⁹ They spake and said to the king Nebuchadnezzar, O king, live for ever.

VULC ⁹ dixeruntque Nabuchodonosor regi : Rex, in æternum vive !

KJV ¹⁰ Thou, O king, hast made a decree, that every man that shall hear the sound of the cornet, flute, harp, sackbut, psaltery, and dulcimer, and all kinds of musick, shall fall down and worship the golden image:

VULC ¹⁰ tu, rex, posuisti decretum, ut omnis homo, qui audierit sonitum tubæ, fistulæ, et citharæ, sambucæ, et psalterii, et symphoniæ, et universi generis musicorum, prosternat se, et adoret statuam auream :

KJV ¹¹ And whoso falleth not down and worshippeth, that he should be cast into the midst of a burning fiery furnace.

VULC ¹¹ si quis autem non procidens adoraverit, mittatur in fornacem ignis ardentis.

KJV ¹² There are certain Jews whom thou hast set over the affairs of the province of Babylon, Shadrach, Meshach, and Abednego; these men, O king, have not regarded thee: they serve not thy gods, nor worship the golden image which thou hast set up.

VULC ¹² Sunt ergo viri Judæi, quos constituisti super opera regionis Babylonis, Sidrach, Misach, et Abdenago : viri isti contempserunt, rex, decretum tuum : deos tuos non colunt, et statuam auream, quam erexisti, non adorant.

KJV ¹³ Then Nebuchadnezzar in his rage and fury commanded to bring Shadrach, Meshach, and Abednego. Then they brought these men before the king.

VULC ¹³ Tunc Nabuchodonosor, in furore et in ira, præcepit ut adducerentur Sidrach, Misach, et Abdenago : qui confestim adducti sunt in conspectu regis.

KJV ¹⁴ Nebuchadnezzar spake and said unto them, Is it true, O Shadrach, Meshach, and Abednego, do not ye serve my gods, nor worship the golden image which I have set up?

VULC ¹⁴ Pronuntiansque Nabuchodonosor rex, ait eis : Verene Sidrach, Misach, et Abdenago, deos meos non colitis, et statuam auream, quam constitui, non adoratis ?

KJV ¹⁵ Now if ye be ready that at what time ye hear the sound of the cornet, flute, harp, sackbut, psaltery, and dulcimer, and all kinds of musick, ye fall down and worship the image which I have made; well: but if ye worship not, ye shall be cast the same hour into the midst of a burning fiery furnace; and who is that God that shall deliver you out of my hands?

VULC ¹⁵ nunc ergo si estis parati, quacumque hora audieritis sonitum tubæ, fistulæ, citharæ, sambucæ, et psalterii, et symphoniæ, omnisque generis musicorum, prosternite vos, et adorate statuam, quam feci : quod si non adoraveritis, eadem hora mittemini in fornacem ignis ardentis : et quis est Deus, qui eripiet vos de manu mea ?

KJV ¹⁶ Shadrach, Meshach, and Abednego, answered and said to the king, O Nebuchadnezzar, we are not careful to answer thee in this matter.

VULC ¹⁶ Respondentes Sidrach, Misach, et Abdenago, dixerunt regi Nabuchodonosor : Non oportet nos de hac re respondere tibi.

KJV ¹⁷ If it be so, our God whom we serve is able to deliver us from the burning fiery furnace, and he will deliver us out of thine hand, O king.

VULC ¹⁷ Ecce enim Deus noster, quem colimus, potest eripere nos de camino ignis ardentis, et de manibus tuis, o rex, liberare.

KJV ¹⁸ But if not, be it known unto thee, O king, that we will not serve thy gods, nor worship the golden image which thou hast set up.

VULC ¹⁸ Quod si noluerit, notum sit tibi, rex, quia deos tuos non colimus, et statuam auream, quam erexisti, non adoramus.

KJV ¹⁹ Then was Nebuchadnezzar full of fury, and the form of his visage was changed against Shadrach, Meshach, and Abednego: therefore he spake, and commanded that they should heat the furnace one seven times more than it was wont to be heated.

VULC ¹⁹ Tunc Nabuchodonosor repletus est furore, et aspectus faciei illius immutatus est super Sidrach, Misach, et Abdenago : et præcepit ut succenderetur fornax septuplum quam succendi consueverat.

KJV ²⁰ And he commanded the most mighty men that were in his army to bind Shadrach, Meshach, and Abednego, and to cast them into the burning fiery furnace.

VULC ²⁰ Et viris fortissimis de exercitu suo jussit ut ligatis pedibus Sidrach, Misach, et Abdenago, mitterent eos in fornacem ignis ardentis.

KJV ²¹ Then these men were bound in their coats, their hosen, and their hats, and their other garments, and were cast into the midst of the burning fiery furnace.

VULC ²¹ Et confestim viri illi vincti, cum braccis suis, et tiaris, et calceamentis, et vestibus, missi sunt in medium fornacis ignis ardentis :

KJV ²² Therefore because the king's commandment was urgent, and the furnace exceeding hot, the flames of the fire slew those men that took up Shadrach, Meshach, and Abednego.

VULC ²² nam jussio regis urgebat. Fornax autem succensa erat nimis : porro viros illos, qui miserant Sidrach, Misach, et Abdenago, interfecit flamma ignis.

KJV ²³ And these three men, Shadrach, Meshach, and Abednego, fell down bound into the midst of the burning fiery furnace.

VULC ²³ Viri autem hi tres, id est, Sidrach, Misach, et Abdenago, ceciderunt in medio camino ignis ardentis, colligati.

KJV ²⁴ Then Nebuchadnezzar the king was astonied, and rose up in haste, and spake, and said unto his counsellors, Did not we cast three men bound into the midst of the fire? They answered and said unto the king, True, O king.

VULC ²⁴ Et ambulabant in medio flammæ, laudantes Deum, et benedicentes Domino.

KJV ²⁵ He answered and said, Lo, I see four men loose, walking in the midst of the fire, and they have no hurt; and the form of the fourth is like the Son of God.

VULC ²⁵ Stans autem Azarias oravit sic, aperiensque os suum in medio ignis, ait :

KJV ²⁶ Then Nebuchadnezzar came near to the mouth of the burning fiery furnace, and spake, and said, Shadrach, Meshach, and Abednego, ye servants of the most high God, come forth, and come hither. Then Shadrach, Meshach, and Abednego, came forth of the midst of the fire.

VULC ²⁶ [Benedictus es, Domine Deus patrum nostrorum,
et laudabile, et gloriosum nomen tuum in sæcula :

KJV ²⁷ And the princes, governors, and captains, and the king's counsellors, being gathered together, saw these men, upon whose bodies the fire had no power, nor was an hair of their head singed, neither were their coats changed, nor the smell of fire had passed on them.

VULC ²⁷ quia justus es in omnibus, quæ fecisti nobis,
et universa opera tua vera, et viæ tuæ rectæ,
et omnia judicia tua vera.

KJV ²⁸ Then Nebuchadnezzar spake, and said, Blessed be the God of Shadrach, Meshach, and Abednego, who hath sent his angel, and delivered his servants that trusted in him, and have changed the king's word, and yielded their bodies, that they might not serve nor worship any god, except their own God.

VULC ²⁸ Judicia enim vera fecisti
juxta omnia, quæ induxisti super nos,
et super civitatem sanctam patrum nostrorum Jerusalem :
quia in veritate et in judicio induxisti omnia hæc
propter peccata nostra.

KJV ²⁹ Therefore I make a decree, That every people, nation, and language, which speak any thing amiss against the God of Shadrach, Meshach, and Abednego, shall be cut in pieces, and their houses shall be made a dunghill: because there is no other God that can deliver after this sort.

VULC ²⁹ Peccavimus enim, et inique egimus recedentes a te,
et deliquimus in omnibus :

KJV ³⁰ Then the king promoted Shadrach, Meshach, and Abednego, in the province of Babylon.

VULC ³⁰ et præcepta tua non audivimus,
nec observavimus,
nec fecimus sicut præceperas nobis
ut bene nobis esset.

VULC ³¹ Omnia ergo, quæ induxisti super nos,
et universa quæ fecisti nobis,
in vero judicio fecisti ;

VULC ³² et tradidisti nos in manibus inimicorum nostrorum iniquorum,
et pessimorum, prævaricatorumque,
et regi injusto, et pessimo ultra omnem terram.

VULC ³³ Et nunc non possumus aperire os :
confusio, et opprobrium facti sumus servis tuis,
et his qui colunt te.

VULC ³⁴ Ne, quæsumus, tradas nos in perpetuum propter nomen tuum,
et ne dissipes testamentum tuum :

VULC ³⁵ neque auferas misericordiam tuam a nobis,
propter Abraham, dilectum tuum,
et Isaac, servum tuum,
et Israël, sanctum tuum,

VULC ³⁶ quibus locutus es pollicens quod multiplicares semen eorum
sicut stellas cæli,
et sicut arenam quæ est in littore maris ;

VULC ³⁷ quia, Domine, imminuti sumus plus quam omnes gentes,
sumusque humiles in universa terra hodie
propter peccata nostra.

VULC ³⁸ Et non est in tempore hoc princeps, et dux, et propheta,
neque holocaustum, neque sacrificium,
neque oblatio, neque incensum,
neque locus primitiarum coram te,

VULC ³⁹ ut possimus invenire misericordiam tuam,
sed in animo contrito, et spiritu humilitatis suscipiamur.

VULC ⁴⁰ Sicut in holocausto arietum, et taurorum,
et sicut in millibus agnorum pinguium,
sic fiat sacrificium nostrum in conspectu tuo hodie, ut placeat tibi,
quoniam non est confusio confidentibus in te.

VULC ⁴¹ Et nunc sequimur te in toto corde ;
et timemus te, et quærimus faciem tuam.

VULC ⁴² Nec confundas nos,
sed fac nobiscum juxta mansuetudinem tuam,
et secundum multitudinem misericordiæ tuæ.

VULC ⁴³ Et erue nos in mirabilibus tuis,
et da gloriam nomini tuo, Domine ;

VULC ⁴⁴ et confundantur omnes qui ostendunt servis tuis mala :
confundantur in omni potentia tua,
et robur eorum conteratur :

VULC ⁴⁵ et sciant quia tu es Dominus Deus solus,
et gloriosus super orbem terrarum.]

VULC ⁴⁶ Et non cessabant qui miserant eos ministri regis succendere fornacem, naphtha, et stuppa, et pice, et malleolis,

VULC ⁴⁷ et effundebatur flamma super fornacem cubitis quadraginta novem :

VULC ⁴⁸ et erupit, et incendit quos reperit juxta fornacem de Chaldæis.

VULC ⁴⁹ Angelus autem Domini descendit cum Azaria, et sociis ejus in fornacem : et excussit flammam ignis de fornace,

VULC ⁵⁰ et fecit medium fornacis quasi ventum roris flantem, et non tetigit eos omnino ignis, neque contristavit, nec quidquam molestiæ intulit.

VULC ⁵¹ Tunc hi tres quasi ex uno ore laudabant, et glorificabant, et benedicebant Deum in fornace, dicentes :

VULC ⁵² [Benedictus es, Domine Deus patrum nostrorum :
et laudabilis, et gloriosus, et superexaltatus in sæcula.
Et benedictum nomen gloriæ tuæ sanctum :
et laudabile, et superexaltatum in omnibus sæculis.

VULC ⁵³ Benedictus es in templo sancto gloriæ tuæ :
et superlaudabilis, et supergloriosus in sæcula.

VULC ⁵⁴ Benedictus es in throno regni tui :
et superlaudabilis, et superexaltatus in sæcula.

VULC ⁵⁵ Benedictus es, qui intueris abyssos, et sedes super cherubim :
et laudabilis, et superexaltatus in sæcula.

VULC ⁵⁶ Benedictus es in firmamento cæli :
et laudabilis et gloriosus in sæcula.

VULC ⁵⁷ Benedicite, omnia opera Domini, Domino :
laudate et superexaltate eum in sæcula.

VULC ⁵⁸ Benedicite, angeli Domini, Domino :
laudate et superexaltate eum in sæcula.

VULC ⁵⁹ Benedicite, cæli, Domino :
laudate et superexaltate eum in sæcula.

VULC ⁶⁰ Benedicite, aquæ omnes, quæ super cælos sunt, Domino :
laudate et superexaltate eum in sæcula.

VULC ⁶¹ Benedicite, omnes virtutes Domini, Domino :
laudate et superexaltate eum in sæcula.

VULC ⁶² Benedicite, sol et luna, Domino :
laudate et superexaltate eum in sæcula.

VULC ⁶³ Benedicite, stellæ cæli, Domino :
laudate et superexaltate eum in sæcula.

VULC ⁶⁴ Benedicite, omnis imber et ros, Domino :
laudate et superexaltate eum in sæcula.

VULC ⁶⁵ Benedicite, omnes spiritus Dei, Domino :
laudate et superexaltate eum in sæcula.

VULC ⁶⁶ Benedicite, ignis et æstus, Domino :
laudate et superexaltate eum in sæcula.

VULC ⁶⁷ Benedicite, frigus et æstus, Domino :
laudate et superexaltate eum in sæcula.

VULC ⁶⁸ Benedicite, rores et pruina, Domino :
laudate et superexaltate eum in sæcula.

VULC ⁶⁹ Benedicite, gelu et frigus, Domino :
laudate et superexaltate eum in sæcula.

VULC ⁷⁰ Benedicite, glacies et nives, Domino :
laudate et superexaltate eum in sæcula.

VULC ⁷¹ Benedicite, noctes et dies, Domino
laudate et superexaltate eum in sæcula.

VULC ⁷² Benedicite, lux et tenebræ, Domino :
laudate et superexaltate eum in sæcula.

VULC ⁷³ Benedicite, fulgura et nubes, Domino :
laudate et superexaltate eum in sæcula.

VULC ⁷⁴ Benedicat terra Dominum :
laudet et superexaltet eum in sæcula.

VULC ⁷⁵ Benedicite, montes et colles, Domino :
laudate et superexaltate eum in sæcula.

VULC ⁷⁶ Benedicite, universa germinantia in terra, Domino :
laudate et superexaltate eum in sæcula.

VULC ⁷⁷ Benedicite, fontes, Domino :
laudate et superexaltate eum in sæcula.

VULC ⁷⁸ Benedicite, maria et flumina, Domino :
laudate et superexaltate eum in sæcula.

VULC ⁷⁹ Benedicite, cete, et omnia quæ moventur in aquis, Domino :
laudate et superexaltate eum in sæcula.

VULC ⁸⁰ Benedicite, omnes volucres cæli, Domino :
laudate et superexaltate eum in sæcula.

VULC ⁸¹ Benedicite, omnes bestiæ et pecora, Domino :
laudate et superexaltate eum in sæcula.

VULC ⁸² Benedicite, filii hominum, Domino :
laudate et superexaltate eum in sæcula.

VULC ⁸³ Benedicat Israël Dominum :
laudet et superexaltet eum in sæcula.

VULC ⁸⁴ Benedicite, sacerdotes Domini, Domino :
laudate et superexaltate eum in sæcula.

VULC ⁸⁵ Benedicite, servi Domini, Domino :
laudate et superexaltate eum in sæcula.

VULC ⁸⁶ Benedicite, spiritus et animæ justorum, Domino :
laudate et superexaltate eum in sæcula.

VULC ⁸⁷ Benedicite, sancti et humiles corde, Domino :
laudate et superexaltate eum in sæcula.

VULC ⁸⁸ Benedicite, Anania, Azaria, Misaël, Domino :
laudate et superexaltate eum in sæcula :
quia eruit nos de inferno,
et salvos fecit de manu mortis :
et liberavit nos de medio ardentis flammæ,
et de medio ignis eruit nos.

VULC ⁸⁹ Confitemini Domino, quoniam bonus :
quoniam in sæculum misericordia ejus.

VULC ⁹⁰ Benedicite, omnes religiosi, Domino Deo deorum :
laudate et confitemini ei, quia in omnia sæcula misericordia ejus.]

VULC ⁹¹ Tunc Nabuchodonosor rex obstupuit, et surrexit propere, et ait optimatibus suis : Nonne tres viros misimus in medium ignis compeditos ? Qui respondentes regi, dixerunt : Vere, rex.

VULC ⁹² Respondit, et ait : Ecce ego video quatuor viros solutos, et ambulantes in medio ignis, et nihil corruptionis in eis est, et species quarti similis filio Dei.

VULC ⁹³ Tunc accessit Nabuchodonosor ad ostium fornacis ignis ardentis, et ait : Sidrach, Misach, et Abdenago, servi Dei excelsi, egredimini, et venite. Statimque egressi sunt Sidrach, Misach, et Abdenago de medio ignis.

VULC ⁹⁴ Et congregati satrapæ, et magistratus, et judices, et potentes regis contemplabantur viros illos, quoniam nihil potestatis habuisset ignis in corporibus eorum, et capillus capitis eorum non esset adustus, et sarabala eorum non fuissent immutata, et odor ignis non transisset per eos.

VULC ⁹⁵ Et erumpens Nabuchodonosor, ait : Benedictus Deus eorum, Sidrach videlicet, Misach, et Abdenago : qui misit angelum suum, et eruit servos suos, qui crediderunt in eum : et verbum regis immutaverunt, et tradiderunt corpora sua ne servirent, et ne adorarent omnem deum, excepto Deo suo.

VULC ⁹⁶ A me ergo positum est hoc decretum : ut omnis populus, tribus, et lingua, quæcumque locuta fuerit blasphemiam contra Deum Sidrach, Misach, et Abdenago, dispereat, et domus ejus vastetur : neque enim est alius deus, qui possit ita salvare.

VULC ⁹⁷ Tunc rex promovit Sidrach, Misach, et Abdenago in provincia Babylonis.

VULC ⁹⁸ Nabuchodonosor rex, omnibus populis, gentibus, et linguis, qui habitant in universa terra, pax vobis multiplicetur.

VULC ⁹⁹ Signa, et mirabilia fecit apud me Deus excelsus. Placuit ergo mihi prædicare

VULC ¹⁰⁰ signa ejus, quia magna sunt : et mirabilia ejus, quia fortia : et regnum ejus regnum sempiternum, et potestas ejus in generationem et generationem.