VULC ¹ Hi sunt autem sacerdotes et Levitæ, qui ascenderunt cum Zorobabel filio Salathiel, et Josue : Saraia, Jeremias, Esdras,

VULC ² Amaria, Melluch, Hattus,

VULC ³ Sebenias, Rheum, Merimuth,

VULC ⁴ Addo, Genthon, Abia,

VULC ⁵ Miamin, Madia, Belga,

VULC ⁶ Semeia, et Jojarib, Idaia, Sellum, Amoc, Helcias,

VULC ⁷ Idaia. Isti principes sacerdotum, et fratres eorum in diebus Josue.

VULC ⁸ Porro Levitæ, Jesua, Bennui, Cedmihel, Sarebia, Juda, Mathanias, super hymnos ipsi et fratres eorum :

VULC ⁹ et Becbecia atque Hanni, et fratres eorum, unusquisque in officio suo.

VULC ¹⁰ Josue autem genuit Joacim, et Joacim genuit Eliasib, et Eliasib genuit Jojada,

VULC ¹¹ et Jojada genuit Jonathan, et Jonathan genuit Jeddoa.

VULC ¹² In diebus autem Joacim erant sacerdotes et principes familiarum : Saraiæ, Maraia : Jeremiæ, Hanania :

VULC ¹³ Esdræ, Mosollam : Amariæ, Johanan :

VULC ¹⁴ Milicho, Jonathan : Sebeniæ, Joseph :

VULC ¹⁵ Haram, Edna : Maraioth, Helci :

VULC ¹⁶ Adaiæ, Zacharia : Genthon, Mosollam :

VULC ¹⁷ Abiæ, Zechri : Miamin et Moadiæ, Phelti :

VULC ¹⁸ Belgæ, Sammua : Semaiæ, Jonathan :

VULC ¹⁹ Jojarib, Mathanai : Jodaiæ, Azzi :

VULC ²⁰ Sellai, Celai : Amoc, Heber :

VULC ²¹ Helciæ, Hasebia : Idaiæ, Nathanaël.

VULC ²² Levitæ in diebus Eliasib, et Jojada, et Johanan, et Jeddoa, scripti principes familiarum, et sacerdotes in regno Darii Persæ.

VULC ²³ Filii Levi principes familiarum, scripti in libro verborum dierum, et usque ad dies Jonathan, filii Eliasib.

VULC ²⁴ Et principes Levitarum, Hasebia, Serebia, et Josue filius Cedmihel : et fratres eorum per vices suas, ut laudarent et confiterentur juxta præceptum David viri Dei, et observarent æque per ordinem.

VULC ²⁵ Mathania, et Becbecia, Obedia, Mosollam, Telmon, Accub, custodes portarum et vestibulorum ante portas.

VULC ²⁶ Hi in diebus Joacim filii Josue, filii Josedec, et in diebus Nehemiæ ducis, et Esdræ sacerdotis scribæque.

VULC ²⁷ In dedicatione autem muri Jerusalem, requisierunt Levitas de omnibus locis suis ut adducerent eos in Jerusalem, et facerent dedicationem et lætitiam in actione gratiarum, et cantico, et in cymbalis, psalteriis, et citharis.

VULC ²⁸ Congregati sunt autem filii cantorum de campestribus circa Jerusalem, et de villis Nethuphathi,

VULC ²⁹ et de domo Galgal, et de regionibus Geba et Azmaveth : quoniam villas ædificaverunt sibi cantores in circuitu Jerusalem.

VULC ³⁰ Et mundati sunt sacerdotes et Levitæ, et mundaverunt populum, et portas, et murum.

VULC ³¹ Ascendere autem feci principes Juda super murum, et statui duos magnos choros laudantium. Et ierunt ad dexteram super murum ad portam sterquilinii.

VULC ³² Et ivit post eos Osaias, et media pars principum Juda,

VULC ³³ et Azarias, Esdras, et Mosollam, Judas, et Benjamin, et Semeia, et Jeremias.

VULC ³⁴ Et de filiis sacerdotum in tubis, Zacharias filius Jonathan, filius Semeiæ, filius Mathaniæ, filius Michaiæ, filius Zechur, filius Asaph,

VULC ³⁵ et fratres ejus Semeia, et Azareel, Malalai, Galalai, Maai, Nathanaël, et Judas, et Hanani, in vasis cantici David viri Dei : et Esdras scriba ante eos in porta fontis.

VULC ³⁶ Et contra eos ascenderunt in gradibus civitatis David in ascensu muri super domum David, et usque ad portam aquarum ad orientem.

VULC ³⁷ Et chorus secundus gratias referentium ibat ex adverso, et ego post eum, et media pars populi super murum, et super turrim furnorum, et usque ad murum latissimum,

VULC ³⁸ et super portam Ephraim, et super portam antiquam, et super portam piscium et turrim Hananeel, et turrim Emath, et usque ad portam gregis : et steterunt in porta custodiæ,

VULC ³⁹ steteruntque duo chori laudantium in domo Dei, et ego, et dimidia pars magistratuum mecum.

VULC ⁴⁰ Et sacerdotes, Eliachim, Maasia, Miamin, Michea, Elioënai, Zacharia, Hanania in tubis,

VULC ⁴¹ et Maasia, et Semeia, et Eleazar, et Azzi, et Johanan, et Melchia, et Ælam, et Ezer. Et clare cecinerunt cantores, et Jezraia præpositus :

VULC ⁴² et immolaverunt in die illa victimas magnas, et lætati sunt : Deus enim lætificaverat eos lætitia magna : sed et uxores eorum et liberi gavisi sunt, et audita est lætitia Jerusalem procul.

VULC ⁴³ Recensuerunt quoque in die illa viros super gazophylacia thesauri ad libamina, et ad primitias, et ad decimas, ut introferrent per eos principes civitatis in decore gratiarum actionis, sacerdotes et Levitas : quia lætificatus est Juda in sacerdotibus et Levitis adstantibus.

VULC ⁴⁴ Et custodierunt observationem Dei sui, et observationem expiationis, et cantores, et janitores juxta præceptum David, et Salomonis filii ejus,

VULC ⁴⁵ quia in diebus David et Asaph ab exordio erant principes constituti cantorum in carmine laudantium et confitentium Deo.

VULC ⁴⁶ Et omnis Israël in diebus Zorobabel et in diebus Nehemiæ, dabant partes cantoribus et janitoribus per dies singulos, et sanctificabant Levitas, et Levitæ sanctificabant filios Aaron.