VULC ¹ Postquam autem ædificatus est murus, et posui valvas, et recensui janitores, et cantores, et Levitas,

VULC ² præcepi Hanani fratri meo, et Hananiæ principi domus de Jerusalem (ipse enim quasi vir verax et timens Deum plus ceteris videbatur),

VULC ³ et dixi eis : Non aperiantur portæ Jerusalem usque ad calorem solis. Cumque adhuc assisterent, clausæ portæ sunt, et oppilatæ : et posui custodes de habitatoribus Jerusalem, singulos per vices suas, et unumquemque contra domum suam.

VULC ⁴ Civitas autem erat lata nimis et grandis, et populus parvus in medio ejus, et non erant domus ædificatæ.

VULC ⁵ Deus autem dedit in corde meo, et congregavi optimates, et magistratus, et vulgus, ut recenserem eos : et inveni librum census eorum qui ascenderant primum, et inventum est scriptum in eo.

VULC ⁶ Isti filii provinciæ, qui ascenderunt de captivitate migrantium, quos transtulerat Nabuchodonosor rex Babylonis, et reversi sunt in Jerusalem et in Judæam, unusquisque in civitatem suam.

VULC ⁷ Qui venerunt cum Zorobabel, Josue, Nehemias, Azarias, Raamias, Nahamani, Mardochæus, Belsam, Mespharath, Begoai, Nahum, Baana.
Numerus virorum populi Israël :

VULC ⁸ filii Pharos, duo millia centum septuaginta duo :

VULC ⁹ filii Saphatia, trecenti septuaginta duo :

VULC ¹⁰ filii Area, sexcenti quinquaginta duo :

VULC ¹¹ filii Phahathmoab filiorum Josue et Joab, duo millia octingenti decem et octo :

VULC ¹² filii Ælam, mille ducenti quinquaginta quatuor :

VULC ¹³ filii Zethua, octingenti quadraginta quinque :

VULC ¹⁴ filii Zachai, septingenti sexaginta :

VULC ¹⁵ filii Bannui, sexcenti quadraginta octo :

VULC ¹⁶ filii Bebai, sexcenti viginti octo :

VULC ¹⁷ filii Azgad, duo millia trecenti viginti duo :

VULC ¹⁸ filii Adonicam, sexcenti sexaginta septem :

VULC ¹⁹ filii Beguai, duo millia sexaginta septem :

VULC ²⁰ filii Adin, sexcenti quinquaginta quinque :

VULC ²¹ filii Ater, filii Hezeciæ, nonaginta octo :

VULC ²² filii Hasem, trecenti viginti octo :

VULC ²³ filii Besai, trecenti viginti quatuor :

VULC ²⁴ filii Hareph, centum duodecim :

VULC ²⁵ filii Gabaon, nonaginta quinque :

VULC ²⁶ filii Bethlehem et Netupha, centum octoginta octo.

VULC ²⁷ Viri Anathoth, centum viginti octo.

VULC ²⁸ Viri Bethazmoth, quadraginta duo.

VULC ²⁹ Viri Cariathiarim, Cephira, et Beroth, septingenti quadraginta tres.

VULC ³⁰ Viri Rama et Geba, sexcenti viginti unus.

VULC ³¹ Viri Machmas, centum viginti duo.

VULC ³² Viri Bethel et Hai, centum viginti tres.

VULC ³³ Viri Nebo alterius, quinquaginta duo.

VULC ³⁴ Viri Ælam alterius, mille ducenti quinquaginta quatuor.

VULC ³⁵ Filii Harem, trecenti viginti.

VULC ³⁶ Filii Jericho, trecenti quadraginta quinque.

VULC ³⁷ Filii Lod Hadid et Ono, septingenti viginti unus.

VULC ³⁸ Filii Senaa, tria millia nongenti triginta.

VULC ³⁹ Sacerdotes : filii Idaia in domo Josue, nongenti septuaginta tres.

VULC ⁴⁰ Filii Emmer, mille quinquaginta duo.

VULC ⁴¹ Filii Phashur, mille ducenti quadraginta septem.

VULC ⁴² Filii Arem, mille decem et septem. Levitæ :

VULC ⁴³ filii Josue et Cedmihel filiorum

VULC ⁴⁴ Oduiæ, septuaginta quatuor. Cantores :

VULC ⁴⁵ filii Asaph, centum quadraginta octo.

VULC ⁴⁶ Janitores : filii Sellum, filii Ater, filii Telmon, filii Accub, filii Hatita, filii Sobai : centum triginta octo.

VULC ⁴⁷ Nathinæi : filii Soha, filii Hasupha, filii Tebbaoth,

VULC ⁴⁸ filii Ceros, filii Siaa, filii Phadon, filii Lebana, filii Hagaba, filii Selmai,

VULC ⁴⁹ filii Hanan, filii Geddel, filii Gaher,

VULC ⁵⁰ filii Raaia, filii Rasin, filii Necoda,

VULC ⁵¹ filii Gezem, filii Aza, filii Phasea,

VULC ⁵² filii Besai, filii Munim, filii Nephussim,

VULC ⁵³ filii Bacbuc, filii Hacupha, filii Harhur,

VULC ⁵⁴ filii Besloth, filii Mahida, filii Harsa,

VULC ⁵⁵ filii Bercos, filii Sisara, filii Thema,

VULC ⁵⁶ filii Nasia, filii Hatipha,

VULC ⁵⁷ filii servorum Salomonis, filii Sothai, filii Sophereth, filii Pharida,

VULC ⁵⁸ filii Jahala, filii Darcon, filii Jeddel,

VULC ⁵⁹ filii Saphatia, filii Hatil, filii Phochereth, qui erat ortus ex Sabaim filio Amon.

VULC ⁶⁰ Omnes Nathinæi, et filii servorum Salomonis, trecenti nonaginta duo.

VULC ⁶¹ Hi sunt autem qui ascenderunt de Thelmela, Thelharsa, Cherub, Addon, et Emmer : et non potuerunt indicare domum patrum suorum, et semen suum, utrum ex Israël essent,

VULC ⁶² filii Dalaia, filii Tobia, filii Necoda, sexcenti quadraginta duo.

VULC ⁶³ Et de sacerdotibus, filii Habia, filii Accos, filii Berzellai, qui accepit de filiabus Berzellai Galaaditis uxorem, et vocatus est nomine eorum.

VULC ⁶⁴ Hi quæsierunt scripturam suam in censu, et non invenerunt : et ejecti sunt de sacerdotio.

VULC ⁶⁵ Dixitque Athersatha eis ut non manducarent de Sanctis sanctorum, donec staret sacerdos doctus et eruditus.

VULC ⁶⁶ Omnis multitudo quasi vir unus quadraginta duo millia trecenti sexaginta,

VULC ⁶⁷ absque servis et ancillis eorum, qui erant septem millia trecenti triginta septem, et inter eos cantores et cantatrices, ducenti quadraginta quinque.

VULC ⁶⁸ Equi eorum, septingenti triginta sex : muli eorum, ducenti quadraginta quinque :

VULC ⁶⁹ cameli eorum, quadringenti triginta quinque : asini, sex millia septingenti viginti.

VULC ⁷⁰ Nonnulli autem de principibus familiarum dederunt in opus. Athersatha dedit in thesaurum auri drachmas mille, phialas quinquaginta, tunicas sacerdotales quingentas triginta.

VULC ⁷¹ Et de principibus familiarum dederunt in thesaurum operis, auri drachmas viginti millia, et argenti mnas duo millia ducentas.

VULC ⁷² Et quod dedit reliquus populus, auri drachmas viginti millia, et argenti mnas duo millia, et tunicas sacerdotales sexaginta septem.

VULC ⁷³ Habitaverunt autem sacerdotes, et Levitæ, et janitores, et cantores, et reliquum vulgus, et Nathinæi, et omnis Israël, in civitatibus suis.