VULC ¹ In finem. Psalmus David.

VULC ² [In Domino confido ; quomodo dicitis animæ meæ :
Transmigra in montem sicut passer ?

VULC ³ Quoniam ecce peccatores intenderunt arcum ;
paraverunt sagittas suas in pharetra,
ut sagittent in obscuro rectos corde :

VULC ⁴ quoniam quæ perfecisti destruxerunt ;
justus autem, quid fecit ?

VULC ⁵ Dominus in templo sancto suo ;
Dominus in cælo sedes ejus.
Oculi ejus in pauperem respiciunt ;
palpebræ ejus interrogant filios hominum.

VULC ⁶ Dominus interrogat justum et impium ;
qui autem diligit iniquitatem, odit animam suam.

VULC ⁷ Pluet super peccatores laqueos ;
ignis et sulphur, et spiritus procellarum, pars calicis eorum.

VULC ⁸ Quoniam justus Dominus, et justitias dilexit :
æquitatem vidit vultus ejus.]