VULC ¹ Alleluja. [Confitebor tibi, Domine, in toto corde meo,
in consilio justorum, et congregatione.

VULC ² Magna opera Domini :
exquisita in omnes voluntates ejus.

VULC ³ Confessio et magnificentia opus ejus,
et justitia ejus manet in sæculum sæculi.

VULC ⁴ Memoriam fecit mirabilium suorum,
misericors et miserator Dominus.

VULC ⁵ Escam dedit timentibus se ;
memor erit in sæculum testamenti sui.

VULC ⁶ Virtutem operum suorum annuntiabit populo suo,

VULC ⁷ ut det illis hæreditatem gentium.
Opera manuum ejus veritas et judicium.

VULC ⁸ Fidelia omnia mandata ejus,
confirmata in sæculum sæculi,
facta in veritate et æquitate.

VULC ⁹ Redemptionem misit populo suo ;
mandavit in æternum testamentum suum.
Sanctum et terribile nomen ejus.

VULC ¹⁰ Initium sapientiæ timor Domini ;
intellectus bonus omnibus facientibus eum :
laudatio ejus manet in sæculum sæculi.]