VULC ¹ Alleluja. [Laudate, pueri, Dominum ;
laudate nomen Domini.

VULC ² Sit nomen Domini benedictum
ex hoc nunc et usque in sæculum.

VULC ³ A solis ortu usque ad occasum
laudabile nomen Domini.

VULC ⁴ Excelsus super omnes gentes Dominus,
et super cælos gloria ejus.

VULC ⁵ Quis sicut Dominus Deus noster, qui in altis habitat,

VULC ⁶ et humilia respicit in cælo et in terra ?

VULC ⁷ Suscitans a terra inopem,
et de stercore erigens pauperem :

VULC ⁸ ut collocet eum cum principibus,
cum principibus populi sui.

VULC ⁹ Qui habitare facit sterilem in domo,
matrem filiorum lætantem.]