VULC ¹ Alleluja. [Credidi, propter quod locutus sum ;
ego autem humiliatus sum nimis.

VULC ² Ego dixi in excessu meo :
Omnis homo mendax.

VULC ³ Quid retribuam Domino
pro omnibus quæ retribuit mihi ?

VULC ⁴ Calicem salutaris accipiam,
et nomen Domini invocabo.

VULC ⁵ Vota mea Domino reddam
coram omni populo ejus.

VULC ⁶ Pretiosa in conspectu Domini
mors sanctorum ejus.

VULC ⁷ O Domine, quia ego servus tuus ;
ego servus tuus, et filius ancillæ tuæ.
Dirupisti vincula mea :

VULC ⁸ tibi sacrificabo hostiam laudis,
et nomen Domini invocabo.

VULC ⁹ Vota mea Domino reddam
in conspectu omnis populi ejus ;

VULC ¹⁰ in atriis domus Domini,
in medio tui, Jerusalem.]