VULC ¹ Canticum graduum. [Beati omnes qui timent Dominum,
qui ambulant in viis ejus.

VULC ² Labores manuum tuarum quia manducabis :
beatus es, et bene tibi erit.

VULC ³ Uxor tua sicut vitis abundans
in lateribus domus tuæ ;
filii tui sicut novellæ olivarum
in circuitu mensæ tuæ.

VULC ⁴ Ecce sic benedicetur homo
qui timet Dominum.

VULC ⁵ Benedicat tibi Dominus ex Sion,
et videas bona Jerusalem omnibus diebus vitæ tuæ.

VULC ⁶ Et videas filios filiorum tuorum :
pacem super Israël.]