VULC ¹ Canticum graduum. [Sæpe expugnaverunt me a juventute mea,
dicat nunc Israël ;

VULC ² sæpe expugnaverunt me a juventute mea :
etenim non potuerunt mihi.

VULC ³ Supra dorsum meum fabricaverunt peccatores ;
prolongaverunt iniquitatem suam.

VULC ⁴ Dominus justus
concidit cervices peccatorum.

VULC ⁵ Confundantur, et convertantur retrorsum
omnes qui oderunt Sion.

VULC ⁶ Fiant sicut fœnum tectorum,
quod priusquam evellatur exaruit :

VULC ⁷ de quo non implevit manum suam qui metit,
et sinum suum qui manipulos colligit.

VULC ⁸ Et non dixerunt qui præteribant :
Benedictio Domini super vos.
Benediximus vobis in nomine Domini.]