VULC ¹ Canticum graduum. [De profundis clamavi ad te, Domine ;

VULC ² Domine, exaudi vocem meam.
Fiant aures tuæ intendentes in vocem deprecationis meæ.

VULC ³ Si iniquitates observaveris, Domine,
Domine, quis sustinebit ?

VULC ⁴ Quia apud te propitiatio est ;
et propter legem tuam sustinui te, Domine.
Sustinuit anima mea in verbo ejus :

VULC ⁵ speravit anima mea in Domino.

VULC ⁶ A custodia matutina usque ad noctem,
speret Israël in Domino.

VULC ⁷ Quia apud Dominum misericordia,
et copiosa apud eum redemptio.

VULC ⁸ Et ipse redimet Israël
ex omnibus iniquitatibus ejus.]