Ps 131 (Catholique Crampon)

¹ Cantique des montées. De David. Yahweh, mon coeur ne s'est pas enflé d'orgueil, et mes regards n'ont pas été hautains. Je ne recherche point les grandes choses, ni ce qui est élevé au-dessus de moi.
² Non ! Je tiens mon âme dans le calme et le silence. Comme un enfant sevré sur le sein de sa mère, comme l'enfant sevré mon âme est en moi.
³ Israël, mets ton espoir en Yahweh ! Maintenant et toujours !

Ps 131 (Vulgate)

¹ Canticum graduum. [Memento, Domine, David, et omnis mansuetudinis ejus :
² sicut juravit Domino ; votum vovit Deo Jacob :
³ Si introiero in tabernaculum domus meæ ; si ascendero in lectum strati mei ;
⁴ si dedero somnum oculis meis, et palpebris meis dormitationem,
⁵ et requiem temporibus meis, donec inveniam locum Domino, tabernaculum Deo Jacob.
⁶ Ecce audivimus eam in Ephrata ; invenimus eam in campis silvæ.
⁷ Introibimus in tabernaculum ejus ; adorabimus in loco ubi steterunt pedes ejus.
⁸ Surge, Domine, in requiem tuam, tu et arca sanctificationis tuæ.
⁹ Sacerdotes tui induantur justitiam, et sancti tui exsultent.
¹⁰ Propter David servum tuum non avertas faciem christi tui.
¹¹ Juravit Dominus David veritatem, et non frustrabitur eam : De fructu ventris tui ponam super sedem tuam.
¹² Si custodierint filii tui testamentum meum, et testimonia mea hæc quæ docebo eos, et filii eorum usque in sæculum sedebunt super sedem tuam.
¹³ Quoniam elegit Dominus Sion : elegit eam in habitationem sibi.
¹⁴ Hæc requies mea in sæculum sæculi ; hic habitabo, quoniam elegi eam.
¹⁵ Viduam ejus benedicens benedicam ; pauperes ejus saturabo panibus.
¹⁶ Sacerdotes ejus induam salutari, et sancti ejus exsultatione exsultabunt.
¹⁷ Illuc producam cornu David ; paravi lucernam christo meo.
¹⁸ Inimicos ejus induam confusione ; super ipsum autem efflorebit sanctificatio mea.]