VULC ¹ Alleluja, Aggæi et Zachariæ.

VULC ² [Lauda, anima mea, Dominum.
Laudabo Dominum in vita mea ;
psallam Deo meo quamdiu fuero.
Nolite confidere in principibus,

VULC ³ in filiis hominum, in quibus non est salus.

VULC ⁴ Exibit spiritus ejus, et revertetur in terram suam ;
in illa die peribunt omnes cogitationes eorum.

VULC ⁵ Beatus cujus Deus Jacob adjutor ejus,
spes ejus in Domino Deo ipsius :

VULC ⁶ qui fecit cælum et terram,
mare, et omnia quæ in eis sunt.

VULC ⁷ Qui custodit veritatem in sæculum ;
facit judicium injuriam patientibus ;
dat escam esurientibus.
Dominus solvit compeditos ;

VULC ⁸ Dominus illuminat cæcos.
Dominus erigit elisos ;
Dominus diligit justos.

VULC ⁹ Dominus custodit advenas,
pupillum et viduam suscipiet,
et vias peccatorum disperdet.

VULC ¹⁰ Regnabit Dominus in sæcula ;
Deus tuus, Sion, in generationem et generationem.]