VULC ¹ Alleluja. [Lauda, Jerusalem, Dominum ;
lauda Deum tuum, Sion.

VULC ² Quoniam confortavit seras portarum tuarum ;
benedixit filiis tuis in te.

VULC ³ Qui posuit fines tuos pacem,
et adipe frumenti satiat te.

VULC ⁴ Qui emittit eloquium suum terræ :
velociter currit sermo ejus.

VULC ⁵ Qui dat nivem sicut lanam ;
nebulam sicut cinerem spargit.

VULC ⁶ Mittit crystallum suam sicut buccellas :
ante faciem frigoris ejus quis sustinebit ?

VULC ⁷ Emittet verbum suum, et liquefaciet ea ;
flabit spiritus ejus, et fluent aquæ.

VULC ⁸ Qui annuntiat verbum suum Jacob,
justitias et judicia sua Israël.

VULC ⁹ Non fecit taliter omni nationi,
et judicia sua non manifestavit eis.
Alleluja.]