VULC ¹ [Quare fremuerunt gentes,
et populi meditati sunt inania ?

VULC ² Astiterunt reges terræ,
et principes convenerunt in unum
adversus Dominum, et adversus christum ejus.

VULC ³ Dirumpamus vincula eorum,
et projiciamus a nobis jugum ipsorum.

VULC ⁴ Qui habitat in cælis irridebit eos,
et Dominus subsannabit eos.

VULC ⁵ Tunc loquetur ad eos in ira sua,
et in furore suo conturbabit eos.

VULC ⁶ Ego autem constitutus sum rex ab eo
super Sion, montem sanctum ejus,
prædicans præceptum ejus.

VULC ⁷ Dominus dixit ad me : Filius meus es tu ;
ego hodie genui te.

VULC ⁸ Postula a me, et dabo tibi gentes hæreditatem tuam,
et possessionem tuam terminos terræ.

VULC ⁹ Reges eos in virga ferrea,
et tamquam vas figuli confringes eos.

VULC ¹⁰ Et nunc, reges, intelligite ;
erudimini, qui judicatis terram.

VULC ¹¹ Servite Domino in timore,
et exsultate ei cum tremore.

VULC ¹² Apprehendite disciplinam, nequando irascatur Dominus,
et pereatis de via justa.

VULC ¹³ Cum exarserit in brevi ira ejus,
beati omnes qui confidunt in eo.]