VULC ¹ Prima sabbati. Psalmus David. [Domini est terra, et plenitudo ejus ;
orbis terrarum, et universi qui habitant in eo.

VULC ² Quia ipse super maria fundavit eum,
et super flumina præparavit eum.

VULC ³ Quis ascendet in montem Domini ?
aut quis stabit in loco sancto ejus ?

VULC ⁴ Innocens manibus et mundo corde,
qui non accepit in vano animam suam,
nec juravit in dolo proximo suo :

VULC ⁵ hic accipiet benedictionem a Domino,
et misericordiam a Deo salutari suo.

VULC ⁶ Hæc est generatio quærentium eum,
quærentium faciem Dei Jacob.

VULC ⁷ Attollite portas, principes, vestras,
et elevamini, portæ æternales,
et introibit rex gloriæ.

VULC ⁸ Quis est iste rex gloriæ ?
Dominus fortis et potens,
Dominus potens in prælio.

VULC ⁹ Attollite portas, principes, vestras,
et elevamini, portæ æternales,
et introibit rex gloriæ.

VULC ¹⁰ Quis est iste rex gloriæ ?
Dominus virtutum ipse est rex gloriæ.]