VULC ¹ In finem. Psalmus David. [Judica me, Domine, quoniam ego in innocentia mea ingressus sum,
et in Domino sperans non infirmabor.

VULC ² Proba me, Domine, et tenta me ;
ure renes meos et cor meum.

VULC ³ Quoniam misericordia tua ante oculos meos est,
et complacui in veritate tua.

VULC ⁴ Non sedi cum concilio vanitatis,
et cum iniqua gerentibus non introibo.

VULC ⁵ Odivi ecclesiam malignantium,
et cum impiis non sedebo.

VULC ⁶ Lavabo inter innocentes manus meas,
et circumdabo altare tuum, Domine :

VULC ⁷ ut audiam vocem laudis,
et enarrem universa mirabilia tua.

VULC ⁸ Domine, dilexi decorem domus tuæ,
et locum habitationis gloriæ tuæ.

VULC ⁹ Ne perdas cum impiis, Deus, animam meam,
et cum viris sanguinum vitam meam :

VULC ¹⁰ in quorum manibus iniquitates sunt ;
dextera eorum repleta est muneribus.

VULC ¹¹ Ego autem in innocentia mea ingressus sum ;
redime me, et miserere mei.

VULC ¹² Pes meus stetit in directo ;
in ecclesiis benedicam te, Domine.]