VULC ¹ Psalmus David, in consummatione tabernaculi. [Afferte Domino, filii Dei,
afferte Domino filios arietum.

VULC ² Afferte Domino gloriam et honorem ;
afferte Domino gloriam nomini ejus ;
adorate Dominum in atrio sancto ejus.

VULC ³ Vox Domini super aquas ;
Deus majestatis intonuit :
Dominus super aquas multas.

VULC ⁴ Vox Domini in virtute ;
vox Domini in magnificentia.

VULC ⁵ Vox Domini confringentis cedros,
et confringet Dominus cedros Libani :

VULC ⁶ et comminuet eas, tamquam vitulum Libani,
et dilectus quemadmodum filius unicornium.

VULC ⁷ Vox Domini intercidentis flammam ignis ;

VULC ⁸ vox Domini concutientis desertum :
et commovebit Dominus desertum Cades.

VULC ⁹ Vox Domini præparantis cervos :
et revelabit condensa,
et in templo ejus omnes dicent gloriam.

VULC ¹⁰ Dominus diluvium inhabitare facit,
et sedebit Dominus rex in æternum.

VULC ¹¹ Dominus virtutem populo suo dabit ;
Dominus benedicet populo suo in pace.]