VULC ¹ Psalmus David, cum fugeret a facie Absalom filii sui.

VULC ² [Domine, quid multiplicati sunt qui tribulant me ?
Multi insurgunt adversum me ;

VULC ³ multi dicunt animæ meæ :
Non est salus ipsi in Deo ejus.

VULC ⁴ Tu autem Domine, susceptor meus es,
gloria mea, et exaltans caput meum.

VULC ⁵ Voce mea ad Dominum clamavi ;
et exaudivit me de monte sancto suo.

VULC ⁶ Ego dormivi, et soporatus sum ;
et exsurrexi, quia Dominus suscepit me.

VULC ⁷ Non timebo millia populi circumdantis me.
Exsurge, Domine ; salvum me fac, Deus meus.

VULC ⁸ Quoniam tu percussisti omnes adversantes mihi sine causa ;
dentes peccatorum contrivisti.

VULC ⁹ Domini est salus ;
et super populum tuum benedictio tua.]