VULC ¹ In finem, pro filiis Core. Psalmus.

VULC ² [Omnes gentes, plaudite manibus ;
jubilate Deo in voce exsultationis :

VULC ³ quoniam Dominus excelsus, terribilis,
rex magnus super omnem terram.

VULC ⁴ Subjecit populos nobis,
et gentes sub pedibus nostris.

VULC ⁵ Elegit nobis hæreditatem suam ;
speciem Jacob quam dilexit.

VULC ⁶ Ascendit Deus in jubilo,
et Dominus in voce tubæ.

VULC ⁷ Psallite Deo nostro, psallite ;
psallite regi nostro, psallite :

VULC ⁸ quoniam rex omnis terræ Deus,
psallite sapienter.

VULC ⁹ Regnabit Deus super gentes ;
Deus sedet super sedem sanctam suam.

VULC ¹⁰ Principes populorum congregati sunt cum Deo Abraham,
quoniam dii fortes terræ vehementer elevati sunt.]