Ps 54 (King James)

   ¹ Save me, O God, by thy name, and judge me by thy strength. ² Hear my prayer, O God; give ear to the words of my mouth. ³ For strangers are risen up against me, and oppressors seek after my soul: they have not set God before them. Selah.
   ⁴ Behold, God is mine helper: the Lord is with them that uphold my soul. ⁵ He shall reward evil unto mine enemies: cut them off in thy truth. ⁶ I will freely sacrifice unto thee: I will praise thy name, O LORD; for it is good. ⁷ For he hath delivered me out of all trouble: and mine eye hath seen his desire upon mine enemies.

Ps 54 (Vulgate)

   ¹ In finem, in carminibus. Intellectus David.
   ² [Exaudi, Deus, orationem meam,
et ne despexeris deprecationem meam :
   ³ intende mihi, et exaudi me.
Contristatus sum in exercitatione mea,
et conturbatus sum
   ⁴ a voce inimici, et a tribulatione peccatoris.
Quoniam declinaverunt in me iniquitates,
et in ira molesti erant mihi.
   ⁵ Cor meum conturbatum est in me,
et formido mortis cecidit super me.
   ⁶ Timor et tremor venerunt super me,
et contexerunt me tenebræ.
   ⁷ Et dixi : Quis dabit mihi pennas sicut columbæ,
et volabo, et requiescam ?
   ⁸ Ecce elongavi fugiens,
et mansi in solitudine.
   ⁹ Exspectabam eum qui salvum me fecit
a pusillanimitate spiritus, et tempestate.
   ¹⁰ Præcipita, Domine ; divide linguas eorum :
quoniam vidi iniquitatem et contradictionem in civitate.
   ¹¹ Die ac nocte circumdabit eam super muros ejus iniquitas ;
et labor in medio ejus,
   ¹² et injustitia :
et non defecit de plateis ejus usura et dolus.
   ¹³ Quoniam si inimicus meus maledixisset mihi,
sustinuissem utique.
Et si is qui oderat me super me magna locutus fuisset,
abscondissem me forsitan ab eo.
   ¹⁴ Tu vero homo unanimis,
dux meus, et notus meus :
   ¹⁵ qui simul mecum dulces capiebas cibos ;
in domo Dei ambulavimus cum consensu.
   ¹⁶ Veniat mors super illos,
et descendant in infernum viventes :
quoniam nequitiæ in habitaculis eorum, in medio eorum.
   ¹⁷ Ego autem ad Deum clamavi,
et Dominus salvabit me.
   ¹⁸ Vespere, et mane, et meridie, narrabo, et annuntiabo ;
et exaudiet vocem meam.
   ¹⁹ Redimet in pace animam meam ab his qui appropinquant mihi :
quoniam inter multos erant mecum.
   ²⁰ Exaudiet Deus, et humiliabit illos,
qui est ante sæcula.
Non enim est illis commutatio,
et non timuerunt Deum.
   ²¹ Extendit manum suam in retribuendo ;
contaminaverunt testamentum ejus :
   ²² divisi sunt ab ira vultus ejus,
et appropinquavit cor illius.
Molliti sunt sermones ejus super oleum ;
et ipsi sunt jacula.
   ²³ Jacta super Dominum curam tuam, et ipse te enutriet ;
non dabit in æternum fluctuationem justo.
   ²⁴ Tu vero, Deus, deduces eos in puteum interitus.
Viri sanguinum et dolosi non dimidiabunt dies suos ;
ego autem sperabo in te, Domine.]