VULC ¹ In finem, in hymnis. Psalmus cantici David.

VULC ² [Deus misereatur nostri, et benedicat nobis ;
illuminet vultum suum super nos, et misereatur nostri :

VULC ³ ut cognoscamus in terra viam tuam,
in omnibus gentibus salutare tuum.

VULC ⁴ Confiteantur tibi populi, Deus :
confiteantur tibi populi omnes.

VULC ⁵ Lætentur et exsultent gentes,
quoniam judicas populos in æquitate,
et gentes in terra dirigis.

VULC ⁶ Confiteantur tibi populi, Deus :
confiteantur tibi populi omnes.

VULC ⁷ Terra dedit fructum suum :
benedicat nos Deus, Deus noster !

VULC ⁸ Benedicat nos Deus,
et metuant eum omnes fines terræ.]