VULC ¹ In finem. Psalmus David in rememorationem, quod salvum fecerit eum Dominus.

VULC ² [Deus, in adjutorium meum intende ;
Domine, ad adjuvandum me festina.

VULC ³ Confundantur, et revereantur, qui quærunt animam meam.

VULC ⁴ Avertantur retrorsum, et erubescant, qui volunt mihi mala ;
avertantur statim erubescentes qui dicunt mihi : Euge, euge !

VULC ⁵ Exsultent et lætentur in te omnes qui quærunt te ;
et dicant semper : Magnificetur Dominus, qui diligunt salutare tuum.

VULC ⁶ Ego vero egenus et pauper sum ;
Deus, adjuva me.
Adjutor meus et liberator meus es tu ;
Domine, ne moreris.]