VULC ¹ Psalmus Asaph. [Deus stetit in synagoga deorum ;
in medio autem deos dijudicat.

VULC ² Usquequo judicatis iniquitatem,
et facies peccatorum sumitis ?

VULC ³ Judicate egeno et pupillo ;
humilem et pauperem justificate.

VULC ⁴ Eripite pauperem,
et egenum de manu peccatoris liberate.

VULC ⁵ Nescierunt, neque intellexerunt ;
in tenebris ambulant :
movebuntur omnia fundamenta terræ.

VULC ⁶ Ego dixi : Dii estis,
et filii Excelsi omnes.

VULC ⁷ Vos autem sicut homines moriemini,
et sicut unus de principibus cadetis.

VULC ⁸ Surge, Deus, judica terram,
quoniam tu hæreditabis in omnibus gentibus.]