Ps 87 (King James)

   ¹ His foundation is in the holy mountains. ² The LORD loveth the gates of Zion more than all the dwellings of Jacob. ³ Glorious things are spoken of thee, O city of God. Selah.
   ⁴ I will make mention of Rahab and Babylon to them that know me: behold Philistia, and Tyre, with Ethiopia; this man was born there. ⁵ And of Zion it shall be said, This and that man was born in her: and the highest himself shall establish her. ⁶ The LORD shall count, when he writeth up the people, that this man was born there. Selah. ⁷ As well the singers as the players on instruments shall be there: all my springs are in thee.

Ps 87 (Vulgate)

   ¹ Canticum Psalmi, filiis Core, in finem, pro Maheleth ad respondendum. Intellectus Eman Ezrahitæ.
   ² [Domine, Deus salutis meæ,
in die clamavi et nocte coram te.
   ³ Intret in conspectu tuo oratio mea,
inclina aurem tuam ad precem meam.
   ⁴ Quia repleta est malis anima mea,
et vita mea inferno appropinquavit.
   ⁵ Æstimatus sum cum descendentibus in lacum,
factus sum sicut homo sine adjutorio,
   ⁶ inter mortuos liber ;
sicut vulnerati dormientes in sepulchris,
quorum non es memor amplius,
et ipsi de manu tua repulsi sunt.
   ⁷ Posuerunt me in lacu inferiori,
in tenebrosis, et in umbra mortis.
   ⁸ Super me confirmatus est furor tuus,
et omnes fluctus tuos induxisti super me.
   ⁹ Longe fecisti notos meos a me ;
posuerunt me abominationem sibi.
Traditus sum, et non egrediebar ;
   ¹⁰ oculi mei languerunt præ inopia.
Clamavi ad te, Domine, tota die ;
expandi ad te manus meas.
   ¹¹ Numquid mortuis facies mirabilia ?
aut medici suscitabunt, et confitebuntur tibi ?
   ¹² Numquid narrabit aliquis in sepulchro misericordiam tuam,
et veritatem tuam in perditione ?
   ¹³ Numquid cognoscentur in tenebris mirabilia tua ?
et justitia tua in terra oblivionis ?
   ¹⁴ Et ego ad te, Domine, clamavi,
et mane oratio mea præveniet te.
   ¹⁵ Ut quid, Domine, repellis orationem meam ;
avertis faciem tuam a me ?
   ¹⁶ Pauper sum ego, et in laboribus a juventute mea ;
exaltatus autem, humiliatus sum et conturbatus.
   ¹⁷ In me transierunt iræ tuæ,
et terrores tui conturbaverunt me :
   ¹⁸ circumdederunt me sicut aqua tota die ;
circumdederunt me simul.
   ¹⁹ Elongasti a me amicum et proximum,
et notos meos a miseria.]