VULC ¹ Laus cantici David. [Qui habitat in adjutorio Altissimi,
in protectione Dei cæli commorabitur.

VULC ² Dicet Domino : Susceptor meus es tu, et refugium meum ;
Deus meus, sperabo in eum.

VULC ³ Quoniam ipse liberavit me de laqueo venantium,
et a verbo aspero.

VULC ⁴ Scapulis suis obumbrabit tibi,
et sub pennis ejus sperabis.

VULC ⁵ Scuto circumdabit te veritas ejus :
non timebis a timore nocturno ;

VULC ⁶ a sagitta volante in die,
a negotio perambulante in tenebris,
ab incursu, et dæmonio meridiano.

VULC ⁷ Cadent a latere tuo mille, et decem millia a dextris tuis ;
ad te autem non appropinquabit.

VULC ⁸ Verumtamen oculis tuis considerabis,
et retributionem peccatorum videbis.

VULC ⁹ Quoniam tu es, Domine, spes mea ;
Altissimum posuisti refugium tuum.

VULC ¹⁰ Non accedet ad te malum,
et flagellum non appropinquabit tabernaculo tuo.

VULC ¹¹ Quoniam angelis suis mandavit de te,
ut custodiant te in omnibus viis tuis.

VULC ¹² In manibus portabunt te,
ne forte offendas ad lapidem pedem tuum.

VULC ¹³ Super aspidem et basiliscum ambulabis,
et conculcabis leonem et draconem.

VULC ¹⁴ Quoniam in me speravit, liberabo eum ;
protegam eum, quoniam cognovit nomen meum.

VULC ¹⁵ Clamabit ad me, et ego exaudiam eum ;
cum ipso sum in tribulatione :
eripiam eum, et glorificabo eum.

VULC ¹⁶ Longitudine dierum replebo eum,
et ostendam illi salutare meum.]