Esther 1 (Codex W. Leningrad)

Esther 1

(Codex W. Leningrad)

¹ וַיְהִ֖י בִּימֵ֣י אֲחַשְׁוֵר֑וֹשׁ ה֣וּא אֲחַשְׁוֵר֗וֹשׁ הַמֹּלֵךְ֙ מֵהֹ֣דּוּ וְעַד־ כּ֔וּשׁ שֶׁ֛בַע וְעֶשְׂרִ֥ים וּמֵאָ֖ה מְדִינָֽה׃ ² בַּיָּמִ֖ים הָהֵ֑ם כְּשֶׁ֣בֶת ׀ הַמֶּ֣לֶךְ אֲחַשְׁוֵר֗וֹשׁ עַ֚ל כִּסֵּ֣א מַלְכוּת֔וֹ אֲשֶׁ֖ר בְּשׁוּשַׁ֥ן הַבִּירָֽה׃ ³ בִּשְׁנַ֤ת שָׁלוֹשׁ֙ לְמָלְכ֔וֹ עָשָׂ֣ה מִשְׁתֶּ֔ה לְכָל־ שָׂרָ֖יו וַעֲבָדָ֑יו חֵ֣יל ׀ פָּרַ֣ס וּמָדַ֗י הַֽפַּרְתְּמִ֛ים וְשָׂרֵ֥י הַמְּדִינ֖וֹת לְפָנָֽיו׃ ⁴ בְּהַרְאֹת֗וֹ אֶת־ עֹ֙שֶׁר֙ כְּב֣וֹד מַלְכוּת֔וֹ וְאֶ֨ת־ יְקָ֔ר תִּפְאֶ֖רֶת גְּדוּלָּת֑וֹ יָמִ֣ים רַבִּ֔ים שְׁמוֹנִ֥ים וּמְאַ֖ת יֽוֹם׃ ⁵ וּבִמְל֣וֹאת ׀ הַיָּמִ֣ים הָאֵ֗לֶּה עָשָׂ֣ה הַמֶּ֡לֶךְ לְכָל־ הָעָ֣ם הַנִּמְצְאִים֩ בְּשׁוּשַׁ֨ן הַבִּירָ֜ה לְמִגָּ֧דוֹל וְעַד־ קָטָ֛ן מִשְׁתֶּ֖ה שִׁבְעַ֣ת יָמִ֑ים בַּחֲצַ֕ר גִּנַּ֥ת בִּיתַ֖ן הַמֶּֽלֶךְ׃ ⁶ ח֣וּר ׀ כַּרְפַּ֣ס וּתְכֵ֗לֶת אָחוּז֙ בְּחַבְלֵי־ ב֣וּץ וְאַרְגָּמָ֔ן עַל־ גְּלִ֥ילֵי כֶ֖סֶף וְעַמּ֣וּדֵי שֵׁ֑שׁ מִטּ֣וֹת ׀ זָהָ֣ב וָכֶ֗סֶף עַ֛ל רִֽצְפַ֥ת בַּהַט־ וָשֵׁ֖שׁ וְדַ֥ר וְסֹחָֽרֶת׃ ⁷ וְהַשְׁקוֹת֙ בִּכְלֵ֣י זָהָ֔ב וְכֵלִ֖ים מִכֵּלִ֣ים שׁוֹנִ֑ים וְיֵ֥ין מַלְכ֛וּת רָ֖ב כְּיַ֥ד הַמֶּֽלֶךְ׃ ⁸ וְהַשְּׁתִיָּ֥ה כַדָּ֖ת אֵ֣ין אֹנֵ֑ס כִּי־ כֵ֣ן ׀ יִסַּ֣ד הַמֶּ֗לֶךְ עַ֚ל כָּל־ רַ֣ב בֵּית֔וֹ לַעֲשׂ֖וֹת כִּרְצ֥וֹן אִישׁ־ וָאִֽישׁ׃ ⁹ גַּ֚ם וַשְׁתִּ֣י הַמַּלְכָּ֔ה עָשְׂתָ֖ה מִשְׁתֵּ֣ה נָשִׁ֑ים בֵּ֚ית הַמַּלְכ֔וּת אֲשֶׁ֖ר לַמֶּ֥לֶךְ אֲחַשְׁוֵרֽוֹשׁ׃ ¹⁰ בַּיּוֹם֙ הַשְּׁבִיעִ֔י כְּט֥וֹב לֵב־ הַמֶּ֖לֶךְ בַּיָּ֑יִן אָמַ֡ר לִ֠מְהוּמָן בִּזְּתָ֨א חַרְבוֹנָ֜א בִּגְתָ֤א וַאֲבַגְתָא֙ זֵתַ֣ר וְכַרְכַּ֔ס שִׁבְעַת֙ הַסָּ֣רִיסִ֔ים הַמְשָׁ֣רְתִ֔ים אֶת־ פְּנֵ֖י הַמֶּ֥לֶךְ אֲחַשְׁוֵרֽוֹשׁ׃ ¹¹ לְ֠הָבִיא אֶת־ וַשְׁתִּ֧י הַמַּלְכָּ֛ה לִפְנֵ֥י הַמֶּ֖לֶךְ בְּכֶ֣תֶר מַלְכ֑וּת לְהַרְא֨וֹת הָֽעַמִּ֤ים וְהַשָּׂרִים֙ אֶת־ יָפְיָ֔הּ כִּֽי־ טוֹבַ֥ת מַרְאֶ֖ה הִֽיא׃ ¹² וַתְּמָאֵ֞ן הַמַּלְכָּ֣ה וַשְׁתִּ֗י לָבוֹא֙ בִּדְבַ֣ר הַמֶּ֔לֶךְ אֲשֶׁ֖ר בְּיַ֣ד הַסָּרִיסִ֑ים וַיִּקְצֹ֤ף הַמֶּ֙לֶךְ֙ מְאֹ֔ד וַחֲמָת֖וֹ בָּעֲרָ֥ה בֽוֹ׃ ¹³ וַיֹּ֣אמֶר הַמֶּ֔לֶךְ לַחֲכָמִ֖ים יֹדְעֵ֣י הָֽעִתִּ֑ים כִּי־ כֵן֙ דְּבַ֣ר הַמֶּ֔לֶךְ לִפְנֵ֕י כָּל־ יֹדְעֵ֖י דָּ֥ת וָדִֽין׃ ¹⁴ וְהַקָּרֹ֣ב אֵלָ֗יו כַּרְשְׁנָ֤א שֵׁתָר֙ אַדְמָ֣תָא תַרְשִׁ֔ישׁ מֶ֥רֶס מַרְסְנָ֖א מְמוּכָ֑ן שִׁבְעַ֞ת שָׂרֵ֣י ׀ פָּרַ֣ס וּמָדַ֗י רֹאֵי֙ פְּנֵ֣י הַמֶּ֔לֶךְ הַיֹּשְׁבִ֥ים רִאשֹׁנָ֖ה בַּמַּלְכֽוּת׃ ¹⁵ כְּדָת֙ מַֽה־ לַּעֲשׂ֔וֹת בַּמַּלְכָּ֖ה וַשְׁתִּ֑י עַ֣ל ׀ אֲשֶׁ֣ר לֹֽא־ עָשְׂתָ֗ה אֶֽת־ מַאֲמַר֙ הַמֶּ֣לֶךְ אֲחַשְׁוֵר֔וֹשׁ בְּיַ֖ד הַסָּרִיסִֽים׃ ¹⁶ וַיֹּ֣אמֶר לִפְנֵ֤י הַמֶּ֙לֶךְ֙ וְהַשָּׂרִ֔ים לֹ֤א עַל־ הַמֶּ֙לֶךְ֙ לְבַדּ֔וֹ עָוְתָ֖ה וַשְׁתִּ֣י הַמַּלְכָּ֑ה כִּ֤י עַל־ כָּל־ הַשָּׂרִים֙ וְעַל־ כָּל־ הָ֣עַמִּ֔ים אֲשֶׁ֕ר בְּכָל־ מְדִינ֖וֹת הַמֶּ֥לֶךְ אֲחַשְׁוֵרֽוֹשׁ׃ ¹⁷ כִּֽי־ יֵצֵ֤א דְבַר־ הַמַּלְכָּה֙ עַל־ כָּל־ הַנָּשִׁ֔ים לְהַבְז֥וֹת בַּעְלֵיהֶ֖ן בְּעֵינֵיהֶ֑ן בְּאָמְרָ֗ם הַמֶּ֣לֶךְ אֲחַשְׁוֵר֡וֹשׁ אָמַ֞ר לְהָבִ֨יא אֶת־ וַשְׁתִּ֧י הַמַּלְכָּ֛ה לְפָנָ֖יו וְלֹא־ בָֽאָה׃ ¹⁸ וְֽהַיּ֨וֹם הַזֶּ֜ה תֹּאמַ֣רְנָה ׀ שָׂר֣וֹת פָּֽרַס־ וּמָדַ֗י אֲשֶׁ֤ר שָֽׁמְעוּ֙ אֶת־ דְּבַ֣ר הַמַּלְכָּ֔ה לְכֹ֖ל שָׂרֵ֣י הַמֶּ֑לֶךְ וּכְדַ֖י בִּזָּי֥וֹן וָקָֽצֶף׃ ¹⁹ אִם־ עַל־ הַמֶּ֣לֶךְ ט֗וֹב יֵצֵ֤א דְבַר־ מַלְכוּת֙ מִלְּפָנָ֔יו וְיִכָּתֵ֛ב בְּדָתֵ֥י פָֽרַס־ וּמָדַ֖י וְלֹ֣א יַעֲב֑וֹר אֲשֶׁ֨ר לֹֽא־ תָב֜וֹא וַשְׁתִּ֗י לִפְנֵי֙ הַמֶּ֣לֶךְ אֲחַשְׁוֵר֔וֹשׁ וּמַלְכוּתָהּ֙ יִתֵּ֣ן הַמֶּ֔לֶךְ לִרְעוּתָ֖הּ הַטּוֹבָ֥ה מִמֶּֽנָּה׃ ²⁰ וְנִשְׁמַע֩ פִּתְגָ֨ם הַמֶּ֤לֶךְ אֲשֶֽׁר־ יַעֲשֶׂה֙ בְּכָל־ מַלְכוּת֔וֹ כִּ֥י רַבָּ֖ה הִ֑יא וְכָל־ הַנָּשִׁ֗ים יִתְּנ֤וּ יְקָר֙ לְבַעְלֵיהֶ֔ן לְמִגָּד֖וֹל וְעַד־ קָטָֽן׃ ²¹ וַיִּיטַב֙ הַדָּבָ֔ר בְּעֵינֵ֥י הַמֶּ֖לֶךְ וְהַשָּׂרִ֑ים וַיַּ֥עַשׂ הַמֶּ֖לֶךְ כִּדְבַ֥ר מְמוּכָֽן׃ ²² וַיִּשְׁלַ֤ח סְפָרִים֙ אֶל־ כָּל־ מְדִינ֣וֹת הַמֶּ֔לֶךְ אֶל־ מְדִינָ֤ה וּמְדִינָה֙ כִּכְתָבָ֔הּ וְאֶל־ עַ֥ם וָעָ֖ם כִּלְשׁוֹנ֑וֹ לִהְי֤וֹת כָּל־ אִישׁ֙ שֹׂרֵ֣ר בְּבֵית֔וֹ וּמְדַבֵּ֖ר כִּלְשׁ֥וֹן עַמּֽוֹ׃

Références croisées

1:1 Esd 6:14, Esd 4:6, Dn 9:1, Est 8:9, Es 18:1, Es 37:9, Dn 6:1
Réciproques : Esd 2:1, Esd 5:8, Ne 1:3, Est 2:3, Est 4:3, Est 9:20, Est 9:30, Est 10:1, Dn 3:1, Ac 23:34
1:2 2S 7:1, 1R 1:46, Dn 4:4, Est 2:3, Est 3:15, Est 4:16, Est 9:12-15, Ne 1:1, Dn 8:2
Réciproques : Ex 1:1, Esd 4:9, Est 2:5, Est 8:14, Mt 14:6
1:3 Est 2:18, Gn 40:20, 1R 3:15, Dn 5:1, Mc 6:21, Est 1:14, Esd 1:2, Es 21:2, Jr 51:11, Dn 5:28, Dn 8:20, Dn 3:2-3, Dn 6:1, Dn 6:6, Dn 6:7
Réciproques : Gn 21:8, 1S 25:36, 2S 3:20, Esd 2:1, Est 3:7, Jr 51:28, Dn 8:3, Lc 7:25, 1Jn 2:16
1:4 Es 39:2, Ez 28:5, Dn 4:30, Ps 76:1-4, Ps 145:5, Ps 145:12, Ps 145:13, Dn 2:37-44, Dn 7:9-14, Mt 4:8, Mt 6:13, Rm 9:23, Ep 1:18, Col 1:27, Ap 4:11, 1Ch 29:11-12, 1Ch 29:25, Jb 40:10, Ps 21:5, Ps 45:3, Ps 93:1, Dn 4:36, Dn 5:18, 2P 1:16-17
Réciproques : Est 5:11, Ac 25:23, 1Th 2:6
1:5 2Ch 7:8-9, 2Ch 30:21-25
Réciproques : 2R 23:2, Mc 6:39
1:6 Ex 26:1, Ex 26:31, Ex 26:32, Ex 26:36, Ex 26:37, Est 8:15, Est 7:8, Ez 23:41, Am 2:8, Am 6:4
Réciproques : Mc 6:39
1:7 1R 10:21, 2Ch 9:20, Dn 5:2-4
Réciproques : Jg 14:10, 2R 7:15
1:8 Jr 35:8, Jr 51:7, Ha 2:15-16, Jn 2:8
Réciproques : Esd 2:1
1:9 Est 5:4, Est 5:8
1:10 Gn 43:34, Jg 16:25, 1S 25:36-37, 2S 13:28, Pr 20:1, Ec 7:2-4, Ec 10:19, Ep 5:18-19, Est 7:9, Dn 1:3-5, Dn 1:18, Dn 1:19
Réciproques : Gn 37:36, Jg 19:6, Rt 3:7, 2R 9:32, Est 2:2, Est 4:5, Mt 14:6, Mc 6:22
1:11 Pr 16:9, Pr 23:29-33, Mc 6:21-22, 1S 25:3, 2S 14:25, Pr 31:30
Réciproques : Esd 2:1, Est 2:7, Est 5:1, Lc 7:25
1:12 Gn 3:16, Ep 5:22, Ep 5:24, 1P 3:1, Pr 19:12, Pr 20:2, Dn 2:12, Dn 3:13, Dn 3:19, Na 1:6, Ap 6:16-17, Ex 32:19, Ex 32:22, Dt 29:20, Ps 74:1, Ps 79:5
Réciproques : Gn 44:18, 2S 14:29, Est 2:1, Est 3:5, Est 4:4, Est 4:5, Est 7:7, Pr 31:30
1:13 Jr 10:7, Dn 2:2, Dn 2:12, Dn 2:27, Dn 4:6-7, Dn 5:7, Mt 2:1, 1Ch 12:32, Mt 16:3
Réciproques : Dn 2:21
1:14 Esd 7:14, 2R 25:19, Mt 18:10, Ap 22:4
Réciproques : Est 1:3, Est 2:2, Est 3:1, Est 8:1, Jr 52:25
1:15 Est 6:6
1:16 Ac 18:14, Ac 25:10, 1Co 6:7-8
Réciproques : 1R 12:14, Ep 5:22, 1P 3:1
1:17 2S 6:16, Ep 5:33
Réciproques : 1Co 14:34
1:18 Jg 5:29, 1R 11:3
1:19 Est 1:21, Est 3:9, Est 8:5, Est 8:8, Dn 6:8-15, Dn 6:17, 1S 15:28, 1R 3:28
Réciproques : 1R 2:32, Ne 2:5, Est 4:11, Dn 6:12
1:20 Dt 17:13, Dt 21:21, Ep 5:33, Col 3:18, 1P 3:1-7
Réciproques : Gn 3:16, Ep 5:22, 1Tm 2:11
1:21 Est 1:19, Est 2:4, Gn 41:37
Réciproques : Gn 45:16, Js 22:30, 2S 17:4
1:22 Est 3:12, Est 8:9, Dn 3:29, Dn 4:1, Ep 5:22-24, 1Tm 2:12, Tt 2:4-5, Est 3:12, Lc 16:8, Ac 2:5-11, 1Co 14:19-20
Réciproques : Esd 5:8, Est 9:20

Notes de la Bible Codex W. Leningrad

A savoir : les notes ne font PAS partie du texte biblique. Plus d'informations
Esther 1

1.1 BHS has been faithful to the Leningrad Codex where there might be a question of the validity of the form and we keep the same form as BHS.