Est 10 (Darby)

¹ Et le roi Assuérus imposa un tribut sur le pays et sur les îles de la mer.
² Et tous les actes de sa puissance et de sa force, et la déclaration de la grandeur de Mardochée, comment le roi l'éleva, ne sont-ils pas écrits dans le livre des chroniques des rois de Médie et de Perse ?
³ Car Mardochée, le Juif, fut le second après le roi Assuérus, et il fut grand parmi les Juifs et agréable à la multitude de ses frères, cherchant le bien de son peuple et parlant pour la paix* de toute sa race**.

Est 10 (Vulgate)

¹ Rex vero Assuerus omnem terram et cunctas maris insulas fecit tributarias :
² cujus fortitudo et imperium, et dignitas atque sublimitas, qua exaltavit Mardochæum, scripta sunt in libris Medorum, atque Persarum :
³ et quomodo Mardochæus judaici generis secundus a rege Assuero fuerit, et magnus apud Judæos, et acceptabilis plebi fratrum suorum, quærens bona populo suo, et loquens ea quæ ad pacem seminis sui pertinerent.
⁴ Dixitque Mardochæus : A Deo facta sunt ista.
⁵ Recordatus sum somnii quod videram, hæc eadem significantis : nec eorum quidquam irritum fuit.
⁶ Parvus fons, qui crevit in fluvium, et in lucem solemque conversus est, et in aquas plurimas redundavit : Esther est quam rex accepit uxorem, et voluit esse reginam.
⁷ Duo autem dracones : ego sum, et Aman.
⁸ Gentes, quæ convenerant : hi sunt, qui conati sunt delere nomen Judæorum.
⁹ Gens autem mea Israël est, quæ clamavit ad Dominum, et salvum fecit Dominus populum suum : liberavitque nos ab omnibus malis, et fecit signa magna atque portenta inter gentes :
¹⁰ et duas sortes esse præcepit, unam populi Dei, et alteram cunctarum gentium.
¹¹ Venitque utraque sors in statutum ex illo jam tempore diem coram Deo universis gentibus :
¹² et recordatus est Dominus populi sui, ac misertus est hæreditatis suæ.
¹³ Et observabuntur dies isti in mense Adar quartadecima et quintadecima die ejusdem mensis, cum omni studio et gaudio, in unum cœtum populi congregati, in cunctas deinceps generationes populi Israël.