Nombres 22 (Codex W. Leningrad)

Nombres 22

(Codex W. Leningrad)

¹ וַיִּסְע֖וּ בְּנֵ֣י יִשְׂרָאֵ֑ל וַֽיַּחֲנוּ֙ בְּעַֽרְב֣וֹת מוֹאָ֔ב מֵעֵ֖בֶר לְיַרְדֵּ֥ן יְרֵחֽוֹ׃ ² וַיַּ֥רְא בָּלָ֖ק בֶּן־ צִפּ֑וֹר אֵ֛ת כָּל־ אֲשֶׁר־ עָשָׂ֥ה יִשְׂרָאֵ֖ל לָֽאֱמֹרִֽי׃ ³ וַיָּ֨גָר מוֹאָ֜ב מִפְּנֵ֥י הָעָ֛ם מְאֹ֖ד כִּ֣י רַב־ ה֑וּא וַיָּ֣קָץ מוֹאָ֔ב מִפְּנֵ֖י בְּנֵ֥י יִשְׂרָאֵֽל׃ ⁴ וַיֹּ֨אמֶר מוֹאָ֜ב אֶל־ זִקְנֵ֣י מִדְיָ֗ן עַתָּ֞ה יְלַחֲכ֤וּ הַקָּהָל֙ אֶת־ כָּל־ סְבִ֣יבֹתֵ֔ינוּ כִּלְחֹ֣ךְ הַשּׁ֔וֹר אֵ֖ת יֶ֣רֶק הַשָּׂדֶ֑ה וּבָלָ֧ק בֶּן־ צִפּ֛וֹר מֶ֥לֶךְ לְמוֹאָ֖ב בָּעֵ֥ת הַהִֽוא׃ ⁵ וַיִּשְׁלַ֨ח מַלְאָכִ֜ים אֶל־ בִּלְעָ֣ם בֶּן־ בְּע֗וֹר פְּ֠תוֹרָה אֲשֶׁ֧ר עַל־ הַנָּהָ֛ר אֶ֥רֶץ בְּנֵי־ עַמּ֖וֹ לִקְרֹא־ ל֑וֹ לֵאמֹ֗ר הִ֠נֵּה עַ֣ם יָצָ֤א מִמִּצְרַ֙יִם֙ הִנֵּ֤ה כִסָּה֙ אֶת־ עֵ֣ין הָאָ֔רֶץ וְה֥וּא יֹשֵׁ֖ב מִמֻּלִֽי׃ ⁶ וְעַתָּה֩ לְכָה־ נָּ֨א אָֽרָה־ לִּ֜י אֶת־ הָעָ֣ם הַזֶּ֗ה כִּֽי־ עָצ֥וּם הוּא֙ מִמֶּ֔נִּי אוּלַ֤י אוּכַל֙ נַכֶּה־ בּ֔וֹ וַאֲגָרְשֶׁ֖נּוּ מִן־ הָאָ֑רֶץ כִּ֣י יָדַ֗עְתִּי אֵ֤ת אֲשֶׁר־ תְּבָרֵךְ֙ מְבֹרָ֔ךְ וַאֲשֶׁ֥ר תָּאֹ֖ר יוּאָֽר׃ ⁷ וַיֵּ֨לְכ֜וּ זִקְנֵ֤י מוֹאָב֙ וְזִקְנֵ֣י מִדְיָ֔ן וּקְסָמִ֖ים בְּיָדָ֑ם וַיָּבֹ֙אוּ֙ אֶל־ בִּלְעָ֔ם וַיְדַבְּר֥וּ אֵלָ֖יו דִּבְרֵ֥י בָלָֽק׃ ⁸ וַיֹּ֣אמֶר אֲלֵיהֶ֗ם לִ֤ינוּ פֹה֙ הַלַּ֔יְלָה וַהֲשִׁבֹתִ֤י אֶתְכֶם֙ דָּבָ֔ר כַּאֲשֶׁ֛ר יְדַבֵּ֥ר יְהוָ֖ה אֵלָ֑י וַיֵּשְׁב֥וּ שָׂרֵֽי־ מוֹאָ֖ב עִם־ בִּלְעָֽם׃ ⁹ וַיָּבֹ֥א אֱלֹהִ֖ים אֶל־ בִּלְעָ֑ם וַיֹּ֕אמֶר מִ֛י הָאֲנָשִׁ֥ים הָאֵ֖לֶּה עִמָּֽךְ׃ ¹⁰ וַיֹּ֥אמֶר בִּלְעָ֖ם אֶל־ הָאֱלֹהִ֑ים בָּלָ֧ק בֶּן־ צִפֹּ֛ר מֶ֥לֶךְ מוֹאָ֖ב שָׁלַ֥ח אֵלָֽי׃ ¹¹ הִנֵּ֤ה הָעָם֙ הַיֹּצֵ֣א מִמִּצְרַ֔יִם וַיְכַ֖ס אֶת־ עֵ֣ין הָאָ֑רֶץ עַתָּ֗ה לְכָ֤ה קָֽבָה־ לִּי֙ אֹת֔וֹ אוּלַ֥י אוּכַ֛ל לְהִלָּ֥חֶם בּ֖וֹ וְגֵרַשְׁתִּֽיו׃ ¹² וַיֹּ֤אמֶר אֱלֹהִים֙ אֶל־ בִּלְעָ֔ם לֹ֥א תֵלֵ֖ךְ עִמָּהֶ֑ם לֹ֤א תָאֹר֙ אֶת־ הָעָ֔ם כִּ֥י בָר֖וּךְ הֽוּא׃ ¹³ וַיָּ֤קָם בִּלְעָם֙ בַּבֹּ֔קֶר וַיֹּ֙אמֶר֙ אֶל־ שָׂרֵ֣י בָלָ֔ק לְכ֖וּ אֶֽל־ אַרְצְכֶ֑ם כִּ֚י מֵאֵ֣ן יְהוָ֔ה לְתִתִּ֖י לַהֲלֹ֥ךְ עִמָּכֶֽם׃ ¹⁴ וַיָּק֙וּמוּ֙ שָׂרֵ֣י מוֹאָ֔ב וַיָּבֹ֖אוּ אֶל־ בָּלָ֑ק וַיֹּ֣אמְר֔וּ מֵאֵ֥ן בִּלְעָ֖ם הֲלֹ֥ךְ עִמָּֽנוּ׃ ¹⁵ וַיֹּ֥סֶף ע֖וֹד בָּלָ֑ק שְׁלֹ֣חַ שָׂרִ֔ים רַבִּ֥ים וְנִכְבָּדִ֖ים מֵאֵֽלֶּה׃ ¹⁶ וַיָּבֹ֖אוּ אֶל־ בִּלְעָ֑ם וַיֹּ֣אמְרוּ ל֗וֹ כֹּ֤ה אָמַר֙ בָּלָ֣ק בֶּן־ צִפּ֔וֹר אַל־ נָ֥א תִמָּנַ֖ע מֵהֲלֹ֥ךְ אֵלָֽי׃ ¹⁷ כִּֽי־ כַבֵּ֤ד אֲכַבֶּדְךָ֙ מְאֹ֔ד וְכֹ֛ל אֲשֶׁר־ תֹּאמַ֥ר אֵלַ֖י אֶֽעֱשֶׂ֑ה וּלְכָה־ נָּא֙ קָֽבָה־ לִּ֔י אֵ֖ת הָעָ֥ם הַזֶּֽה׃ ¹⁸ וַיַּ֣עַן בִּלְעָ֗ם וַיֹּ֙אמֶר֙ אֶל־ עַבְדֵ֣י בָלָ֔ק אִם־ יִתֶּן־ לִ֥י בָלָ֛ק מְלֹ֥א בֵית֖וֹ כֶּ֣סֶף וְזָהָ֑ב לֹ֣א אוּכַ֗ל לַעֲבֹר֙ אֶת־ פִּי֙ יְהוָ֣ה אֱלֹהָ֔י לַעֲשׂ֥וֹת קְטַנָּ֖ה א֥וֹ גְדוֹלָֽה׃ ¹⁹ וְעַתָּ֗ה שְׁב֨וּ נָ֥א בָזֶ֛ה גַּם־ אַתֶּ֖ם הַלָּ֑יְלָה וְאֵ֣דְעָ֔ה מַה־ יֹּסֵ֥ף יְהוָ֖ה דַּבֵּ֥ר עִמִּֽי׃ ²⁰ וַיָּבֹ֨א אֱלֹהִ֥ים ׀ אֶל־ בִּלְעָם֮ לַיְלָה֒ וַיֹּ֣אמֶר ל֗וֹ אִם־ לִקְרֹ֤א לְךָ֙ בָּ֣אוּ הָאֲנָשִׁ֔ים ק֖וּם לֵ֣ךְ אִתָּ֑ם וְאַ֗ךְ אֶת־ הַדָּבָ֛ר אֲשֶׁר־ אֲדַבֵּ֥ר אֵלֶ֖יךָ אֹת֥וֹ תַעֲשֶֽׂה׃ ²¹ וַיָּ֤קָם בִּלְעָם֙ בַּבֹּ֔קֶר וַֽיַּחֲבֹ֖שׁ אֶת־ אֲתֹנ֑וֹ וַיֵּ֖לֶךְ עִם־ שָׂרֵ֥י מוֹאָֽב׃ ²² וַיִּֽחַר־ אַ֣ף אֱלֹהִים֮ כִּֽי־ הוֹלֵ֣ךְ הוּא֒ וַיִּתְיַצֵּ֞ב מַלְאַ֧ךְ יְהוָ֛ה בַּדֶּ֖רֶךְ לְשָׂטָ֣ן ל֑וֹ וְהוּא֙ רֹכֵ֣ב עַל־ אֲתֹנ֔וֹ וּשְׁנֵ֥י נְעָרָ֖יו עִמּֽוֹ׃ ²³ וַתֵּ֣רֶא הָאָתוֹן֩ אֶת־ מַלְאַ֨ךְ יְהוָ֜ה נִצָּ֣ב בַּדֶּ֗רֶךְ וְחַרְבּ֤וֹ שְׁלוּפָה֙ בְּיָד֔וֹ וַתֵּ֤ט הָֽאָתוֹן֙ מִן־ הַדֶּ֔רֶךְ וַתֵּ֖לֶךְ בַּשָּׂדֶ֑ה וַיַּ֤ךְ בִּלְעָם֙ אֶת־ הָ֣אָת֔וֹן לְהַטֹּתָ֖הּ הַדָּֽרֶךְ׃ ²⁴ וַֽיַּעֲמֹד֙ מַלְאַ֣ךְ יְהוָ֔ה בְּמִשְׁע֖וֹל הַכְּרָמִ֑ים גָּדֵ֥ר מִזֶּ֖ה וְגָדֵ֥ר מִזֶּֽה׃ ²⁵ וַתֵּ֨רֶא הָאָת֜וֹן אֶת־ מַלְאַ֣ךְ יְהוָ֗ה וַתִּלָּחֵץ֙ אֶל־ הַקִּ֔יר וַתִּלְחַ֛ץ אֶת־ רֶ֥גֶל בִּלְעָ֖ם אֶל־ הַקִּ֑יר וַיֹּ֖סֶף לְהַכֹּתָֽהּ׃ ²⁶ וַיּ֥וֹסֶף מַלְאַךְ־ יְהוָ֖ה עֲב֑וֹר וַֽיַּעֲמֹד֙ בְּמָק֣וֹם צָ֔ר אֲשֶׁ֛ר אֵֽין־ דֶּ֥רֶךְ לִנְט֖וֹת יָמִ֥ין וּשְׂמֹֽאול׃ ²⁷ וַתֵּ֤רֶא הָֽאָתוֹן֙ אֶת־ מַלְאַ֣ךְ יְהוָ֔ה וַתִּרְבַּ֖ץ תַּ֣חַת בִּלְעָ֑ם וַיִּֽחַר־ אַ֣ף בִּלְעָ֔ם וַיַּ֥ךְ אֶת־ הָאָת֖וֹן בַּמַּקֵּֽל׃ ²⁸ וַיִּפְתַּ֥ח יְהוָ֖ה אֶת־ פִּ֣י הָאָת֑וֹן וַתֹּ֤אמֶר לְבִלְעָם֙ מֶה־ עָשִׂ֣יתִֽי לְךָ֔ כִּ֣י הִכִּיתַ֔נִי זֶ֖ה שָׁלֹ֥שׁ רְגָלִֽים׃ ²⁹ וַיֹּ֤אמֶר בִּלְעָם֙ לָֽאָת֔וֹן כִּ֥י הִתְעַלַּ֖לְתְּ בִּ֑י ל֤וּ יֶשׁ־ חֶ֙רֶב֙ בְּיָדִ֔י כִּ֥י עַתָּ֖ה הֲרַגְתִּֽיךְ׃ ³⁰ וַתֹּ֨אמֶר הָאָת֜וֹן אֶל־ בִּלְעָ֗ם הֲלוֹא֩ אָנֹכִ֨י אֲתֹֽנְךָ֜ אֲשֶׁר־ רָכַ֣בְתָּ עָלַ֗י מֵעֽוֹדְךָ֙ עַד־ הַיּ֣וֹם הַזֶּ֔ה הַֽהַסְכֵּ֣ן הִסְכַּ֔נְתִּי לַעֲשׂ֥וֹת לְךָ֖ כֹּ֑ה וַיֹּ֖אמֶר לֹֽא׃ ³¹ וַיְגַ֣ל יְהוָה֮ אֶת־ עֵינֵ֣י בִלְעָם֒ וַיַּ֞רְא אֶת־ מַלְאַ֤ךְ יְהוָה֙ נִצָּ֣ב בַּדֶּ֔רֶךְ וְחַרְבּ֥וֹ שְׁלֻפָ֖ה בְּיָד֑וֹ וַיִּקֹּ֥ד וַיִּשְׁתַּ֖חוּ לְאַפָּֽיו׃ ³² וַיֹּ֤אמֶר אֵלָיו֙ מַלְאַ֣ךְ יְהוָ֔ה עַל־ מָ֗ה הִכִּ֙יתָ֙ אֶת־ אֲתֹ֣נְךָ֔ זֶ֖ה שָׁל֣וֹשׁ רְגָלִ֑ים הִנֵּ֤ה אָנֹכִי֙ יָצָ֣אתִי לְשָׂטָ֔ן כִּֽי־ יָרַ֥ט הַדֶּ֖רֶךְ לְנֶגְדִּֽי׃ ³³ וַתִּרְאַ֙נִי֙ הָֽאָת֔וֹן וַתֵּ֣ט לְפָנַ֔י זֶ֖ה שָׁלֹ֣שׁ רְגָלִ֑ים אוּלַי֙ נָטְתָ֣ה מִפָּנַ֔י כִּ֥י עַתָּ֛ה גַּם־ אֹתְכָ֥ה הָרַ֖גְתִּי וְאוֹתָ֥הּ הֶחֱיֵֽיתִי׃ ³⁴ וַיֹּ֨אמֶר בִּלְעָ֜ם אֶל־ מַלְאַ֤ךְ יְהוָה֙ חָטָ֔אתִי כִּ֚י לֹ֣א יָדַ֔עְתִּי כִּ֥י אַתָּ֛ה נִצָּ֥ב לִקְרָאתִ֖י בַּדָּ֑רֶךְ וְעַתָּ֛ה אִם־ רַ֥ע בְּעֵינֶ֖יךָ אָשׁ֥וּבָה לִּֽי׃ ³⁵ וַיֹּאמֶר֩ מַלְאַ֨ךְ יְהוָ֜ה אֶל־ בִּלְעָ֗ם לֵ֚ךְ עִם־ הָ֣אֲנָשִׁ֔ים וְאֶ֗פֶס אֶת־ הַדָּבָ֛ר אֲשֶׁר־ אֲדַבֵּ֥ר אֵלֶ֖יךָ אֹת֣וֹ תְדַבֵּ֑ר וַיֵּ֥לֶךְ בִּלְעָ֖ם עִם־ שָׂרֵ֥י בָלָֽק׃ ³⁶ וַיִּשְׁמַ֥ע בָּלָ֖ק כִּ֣י בָ֣א בִלְעָ֑ם וַיֵּצֵ֨א לִקְרָאת֜וֹ אֶל־ עִ֣יר מוֹאָ֗ב אֲשֶׁר֙ עַל־ גְּב֣וּל אַרְנֹ֔ן אֲשֶׁ֖ר בִּקְצֵ֥ה הַגְּבֽוּל׃ ³⁷ וַיֹּ֨אמֶר בָּלָ֜ק אֶל־ בִּלְעָ֗ם הֲלֹא֩ שָׁלֹ֨חַ שָׁלַ֤חְתִּי אֵלֶ֙יךָ֙ לִקְרֹא־ לָ֔ךְ לָ֥מָּה לֹא־ הָלַ֖כְתָּ אֵלָ֑י הַֽאֻמְנָ֔ם לֹ֥א אוּכַ֖ל כַּבְּדֶֽךָ׃ ³⁸ וַיֹּ֨אמֶר בִּלְעָ֜ם אֶל־ בָּלָ֗ק הִֽנֵּה־ בָ֙אתִי֙ אֵלֶ֔יךָ עַתָּ֕ה הֲיָכ֥וֹל אוּכַ֖ל דַּבֵּ֣ר מְא֑וּמָה הַדָּבָ֗ר אֲשֶׁ֨ר יָשִׂ֧ים אֱלֹהִ֛ים בְּפִ֖י אֹת֥וֹ אֲדַבֵּֽר׃ ³⁹ וַיֵּ֥לֶךְ בִּלְעָ֖ם עִם־ בָּלָ֑ק וַיָּבֹ֖אוּ קִרְיַ֥ת חֻצֽוֹת׃ ⁴⁰ וַיִּזְבַּ֥ח בָּלָ֖ק בָּקָ֣ר וָצֹ֑אן וַיְשַׁלַּ֣ח לְבִלְעָ֔ם וְלַשָּׂרִ֖ים אֲשֶׁ֥ר אִתּֽוֹ׃ ⁴¹ וַיְהִ֣י בַבֹּ֔קֶר וַיִּקַּ֤ח בָּלָק֙ אֶת־ בִּלְעָ֔ם וַֽיַּעֲלֵ֖הוּ בָּמ֣וֹת בָּ֑עַל וַיַּ֥רְא מִשָּׁ֖ם קְצֵ֥ה הָעָֽם׃

Références croisées

22:1 Nb 21:20, Nb 33:48-50, Nb 36:13, Dt 34:1, Dt 34:8, Nb 32:19, Nb 34:15, Dt 1:5, Dt 3:8, Js 3:16
Réciproques : Gn 19:37, Nb 26:3, Nb 31:12, Nb 35:1, Am 2:1, Mi 6:5
22:2 Nb 21:3, Nb 21:20-35, Jg 11:25
Réciproques : Nb 22:4
22:3 Ex 15:15, Dt 2:25, Js 2:10-11, Js 2:24, Js 9:24, Ps 53:5, Es 23:5
Réciproques : Dt 2:4, Ne 2:10, Ne 13:2, Ha 3:7
22:4 Nb 22:7, Nb 25:15-18, Nb 31:8, Js 13:21-22, Nb 24:17, Jr 48:38, Nb 22:2, Jg 11:25
Réciproques : Gn 25:2, Ex 1:9, Nb 22:10, Nb 25:6, Dt 2:4, Dt 2:9, 1R 11:18, 1Ch 1:32, Ne 2:10, Ha 3:7
22:5 Dt 23:4, Js 13:22, Js 24:9, Ne 13:1-2, Mi 6:5, 2P 2:15-16, Jud 1:11, Ap 2:14, Dt 23:4, Nb 23:7, Dt 23:4, Gn 13:16, Ex 1:7-10, Ps 105:24
Réciproques : Ex 1:9, Ex 15:14, Nb 23:22, 1Ch 6:70
22:6 Nb 23:7-8, Nb 24:9, Gn 12:3, Gn 27:29, Dt 23:4, Js 24:9, 1S 17:43, Ne 13:2, Ps 109:17-18, 1R 22:6, 1R 22:8, 1R 22:13, Ps 109:28, Pr 26:2, Es 47:12-13, Ez 13:6, Ac 8:9-10, Ac 16:16
Réciproques : Ex 1:10, Nb 22:17, Nb 23:23, Nb 24:10, Ps 64:5, Ac 3:17
22:7 1S 9:7-8, Es 56:11, Ez 13:19, Mi 3:11, Rm 16:18, 1Tm 6:9-10, Tt 1:11, 2P 2:15, Jud 1:11
Réciproques : Nb 22:4, Nb 22:15, Nb 22:19, Dt 23:4, Jg 16:18, 1R 11:18, 2R 5:5, Dn 2:6, Dn 5:7, Ac 1:18
22:8 Nb 22:19-20, Nb 12:6, Nb 23:12, Jr 12:2, Ez 33:31
Réciproques : Nb 22:15, Nb 23:3, Nb 23:15
22:9 Nb 22:20, Gn 20:3, Gn 31:24, Gn 41:25, Dn 2:45, Dn 4:31-32, Mt 7:22, Mt 24:24, Jn 11:51, Gn 3:9-11, Gn 4:9, Gn 16:8, Ex 4:2, 2R 20:14-15
Réciproques : Nb 23:3, Nb 23:4
22:10 Nb 22:4-6
Réciproques : Nb 31:8
22:11 Nb 22:11
Réciproques : Gn 27:29, Nb 23:7, Nb 23:11, Nb 24:10, Js 24:10, 1S 17:43
22:12 Nb 22:20, Jb 33:15-17, Mt 27:19, Nb 22:19, Nb 23:3, Nb 23:13-15, Nb 23:19, Nb 23:23, Mi 6:5, Nb 23:20, Gn 12:2, Gn 22:16-18, Dt 23:5, Dt 33:29, Ps 144:15, Ps 146:5, Rm 4:6-7, Rm 11:29, Ep 1:3
Réciproques : Gn 27:29, Nb 22:34, Dt 1:11, Js 24:10, 1S 17:43, Ps 109:28
22:13 Nb 22:14, Dt 23:5
Réciproques : Nb 24:1, 1R 13:16, 1R 21:4
22:14 Nb 22:13, Nb 22:37
Réciproques : 1R 21:4
22:15 Nb 22:7-8, Ac 10:7-8
Réciproques : Gn 34:19
22:16 Nb 22:16
Réciproques : Nb 22:37, 2S 13:28, Dn 2:48
22:17 Nb 24:11, Dt 16:9, Est 5:11, Est 7:9, Mt 4:8-9, Mt 16:26, Nb 23:2-3, Nb 23:29, Nb 23:30, Mt 14:7, Nb 22:6
Réciproques : Nb 22:37, Nb 23:7, Nb 23:11, Nb 24:10, Dt 23:4, Jg 16:5, 2S 13:28, 2R 5:5, Dn 2:6, Dn 2:48, Dn 5:7, Ac 1:18, 1Tm 6:9
22:18 Nb 24:13, Tt 1:16, Nb 23:26, Nb 24:13, 1R 22:14, 2Ch 18:13, Dn 5:17, Ac 8:20
Réciproques : Nb 22:38, Nb 23:20, Nb 24:12, Js 24:10, Jg 16:5, 1R 13:8, 2R 5:5, Jb 3:15, 2P 2:15
22:19 Nb 22:7-8, 1Tm 6:9-10, 2P 2:3, 2P 2:15, Jud 1:11
Réciproques : Nb 22:12, 1R 13:16, Jb 4:13
22:20 Nb 22:9, 1S 8:5-9, 1S 12:12-19, Ps 81:12, Ez 14:2-5, 2Th 2:9-12, Nb 22:35, Nb 23:12, Nb 23:26, Nb 24:13, Ps 33:10-11, Ps 78:30-31, Es 37:29, Os 13:11
Réciproques : Gn 31:24, Nb 22:8, Nb 22:12, Nb 22:32, Nb 23:4, 1S 8:7, Jb 4:13, Jr 1:7
22:21 Pr 1:15-16
Réciproques : Nb 16:15, Nb 22:35, 1R 13:13
22:22 2R 10:20, Os 1:4, Nb 22:35, Gn 48:15-16, Ex 3:2-6, Os 12:4-5, Nb 22:32, Ex 4:24, Lm 2:4
Réciproques : Jg 19:3, 2P 2:16
22:23 2R 6:17, 1Ch 21:16, Dn 10:7, Ac 22:9, 1Co 1:27-29, 2P 2:16, Jud 1:11, Jr 8:7
Réciproques : Gn 3:24, Ex 4:24, Js 5:13, 2P 2:15
22:25 Jb 5:13-15, Es 47:12
22:26 Es 26:11, Os 2:6
Réciproques : Gn 31:24
22:27 Pr 14:16, Pr 27:3-4
22:28 Ex 4:11, Lc 1:37, 1Co 1:19, 2P 2:16, Rm 8:22
Réciproques : Gn 3:1, Nb 22:32, Pr 12:10, Jn 11:51, 1Co 9:9, 2P 2:15
22:29 Pr 12:10, Pr 12:16, Ec 9:3
Réciproques : Gn 3:1, Gn 30:34, Mt 2:16
22:30 2P 2:16, 1Co 1:27-28
Réciproques : Nb 16:15
22:31 Nb 24:4, Nb 24:16, Gn 21:19, 2R 6:17-20, 1Ch 21:16, Lc 24:16, Lc 24:31, Ac 26:18, Ex 34:8, Ps 9:20, Jn 18:6
Réciproques : Nb 23:3, Nb 24:3
22:32 Nb 22:28, Dt 25:4, Ps 36:6, Ps 145:9, Ps 147:9, Jon 4:11, Nb 22:22, Dt 23:4, Pr 28:6, Mi 6:5, Ac 13:10, 2P 2:14-15, Nb 22:20, Nb 22:22, Nb 22:35, Ex 3:2-6, Pr 14:2, Pr 28:18
Réciproques : Gn 8:1, Ec 11:9, Jr 3:21
22:33 Nb 14:37, Nb 16:33-35, 1R 13:24-28
22:34 Ex 9:27, Ex 10:16-17, 1S 15:24, 1S 15:30, 1S 24:17, 1S 26:21, 2S 12:13, Jb 34:31-32, Ps 78:34, Mt 27:4-5, Nb 22:12, Nb 11:1, 1Ch 21:7, Pr 24:18, Jb 34:31-32
Réciproques : Gn 38:10, Gn 48:17, Dt 1:41, Js 7:20, 1S 18:8, 1S 29:7, 1R 9:12
22:35 Nb 22:20, Ps 81:12, Es 37:26-29, 2Th 2:9-12, Nb 22:20-21
Réciproques : Nb 22:22, Nb 22:32, Nb 23:5, Nb 23:16, Dt 23:5, Js 24:10, 1R 13:18, 2Ch 18:13
22:36 Gn 14:17, Gn 18:2, Gn 46:29, Ex 18:7, 1S 13:10, Ac 28:15, Nb 21:13-14, Dt 2:24, Dt 3:8, Jg 11:18, Es 16:2, Jr 48:20
22:37 Nb 22:16-17, Nb 24:11, Ps 75:6, Mt 4:8-9, Lc 4:6, Jn 5:44
Réciproques : Nb 22:14, Dn 2:6
22:38 Nb 22:18, Ps 33:10, Ps 76:10, Pr 19:21, Es 44:25, Es 46:10, Es 47:12, Nb 23:16, Nb 23:26, Nb 24:13, 1R 22:14, 2Ch 18:13
Réciproques : Ex 4:15, Nb 23:12, Nb 23:20, Nb 24:12, Jg 7:14, Jr 1:7, Ac 4:20
22:39 Nb 22:39
Réciproques : Es 16:12
22:40 Nb 23:2, Nb 23:14, Nb 23:30, Gn 31:54, Pr 1:16
Réciproques : Jr 48:35
22:41 Nb 21:19-20, Nb 25:2-3, Dt 12:2, 2Ch 11:15, Jr 48:35, Nb 23:13
Réciproques : Nb 32:38, Js 13:17, Es 16:12, Jr 19:5, Mi 6:5

Notes de la Bible Codex W. Leningrad

A savoir : les notes ne font PAS partie du texte biblique. Plus d'informations
Nombres 22

22.22 We read one or more vowels in L differently from BHQ.