2 Chroniques 9:1-12 (Codex W. Leningrad)

2 Chroniques 9:1-12

(Codex W. Leningrad)

¹ וּמַֽלְכַּת־ שְׁבָ֗א שָֽׁמְעָה֮ אֶת־ שֵׁ֣מַע שְׁלֹמֹה֒ וַתָּב֣וֹא לְנַסּוֹת֩ אֶת־ שְׁלֹמֹ֨ה בְחִיד֜וֹת בִּירֽוּשָׁלִַ֗ם בְּחַ֣יִל כָּבֵ֣ד מְאֹ֡ד וּ֠גְמַלִּים נֹשְׂאִ֨ים בְּשָׂמִ֧ים וְזָהָ֛ב לָרֹ֖ב וְאֶ֣בֶן יְקָרָ֑ה וַתָּבוֹא֙ אֶל־ שְׁלֹמֹ֔ה וַתְּדַבֵּ֣ר עִמּ֔וֹ אֵ֛ת כָּל־ אֲשֶׁ֥ר הָיָ֖ה עִם־ לְבָבָֽהּ׃ ² וַיַּגֶּד־ לָ֥הּ שְׁלֹמֹ֖ה אֶת־ כָּל־ דְּבָרֶ֑יהָ וְלֹֽא־ נֶעְלַ֤ם דָּבָר֙ מִשְּׁלֹמֹ֔ה אֲשֶׁ֧ר לֹ֦א הִגִּ֖יד לָֽהּ׃ ³ וַתֵּ֙רֶא֙ מַֽלְכַּת־ שְׁבָ֔א אֵ֖ת חָכְמַ֣ת שְׁלֹמֹ֑ה וְהַבַּ֖יִת אֲשֶׁ֥ר בָּנָֽה׃ ⁴ וּמַאֲכַ֣ל שֻׁלְחָנ֡וֹ וּמוֹשַׁ֣ב עֲבָדָיו֩ וּמַעֲמַ֨ד מְשָׁרְתָ֜יו וּמַלְבּֽוּשֵׁיהֶ֗ם וּמַשְׁקָיו֙ וּמַלְבּ֣וּשֵׁיהֶ֔ם וַעֲלִיָּת֔וֹ אֲשֶׁ֥ר יַעֲלֶ֖ה בֵּ֣ית יְהוָ֑ה וְלֹא־ הָ֥יָה ע֛וֹד בָּ֖הּ רֽוּחַ׃ ⁵ וַתֹּ֙אמֶר֙ אֶל־ הַמֶּ֔לֶךְ אֱמֶת֙ הַדָּבָ֔ר אֲשֶׁ֥ר שָׁמַ֖עְתִּי בְּאַרְצִ֑י עַל־ דְּבָרֶ֖יךָ וְעַל־ חָכְמָתֶֽךָ׃ ⁶ וְלֹֽא־ הֶאֱמַ֣נְתִּי לְדִבְרֵיהֶ֗ם עַ֤ד אֲשֶׁר־ בָּ֙אתִי֙ וַתִּרְאֶ֣ינָה עֵינַ֔י וְהִנֵּה֙ לֹ֣א הֻגַּד־ לִ֔י חֲצִ֖י מַרְבִּ֣ית חָכְמָתֶ֑ךָ יָסַ֕פְתָּ עַל־ הַשְּׁמוּעָ֖ה אֲשֶׁ֥ר שָׁמָֽעְתִּי׃ ⁷ אַשְׁרֵ֣י אֲנָשֶׁ֔יךָ וְאַשְׁרֵ֖י עֲבָדֶ֣יךָ אֵ֑לֶּה הָעֹמְדִ֤ים לְפָנֶ֙יךָ֙ תָּמִ֔יד וְשֹׁמְעִ֖ים אֶת־ חָכְמָתֶֽךָ׃ ⁸ יְהִ֨י יְהוָ֤ה אֱלֹהֶ֙יךָ֙ בָּר֔וּךְ אֲשֶׁ֣ר ׀ חָפֵ֣ץ בְּךָ֗ לְתִתְּךָ֤ עַל־ כִּסְאוֹ֙ לְמֶ֔לֶךְ לַיהוָ֖ה אֱלֹהֶ֑יךָ בְּאַהֲבַ֨ת אֱלֹהֶ֤יךָ אֶת־ יִשְׂרָאֵל֙ לְהַעֲמִיד֣וֹ לְעוֹלָ֔ם וַיִּתֶּנְךָ֤ עֲלֵיהֶם֙ לְמֶ֔לֶךְ לַעֲשׂ֖וֹת מִשְׁפָּ֥ט וּצְדָקָֽה׃ ⁹ וַתִּתֵּ֨ן לַמֶּ֜לֶךְ מֵאָ֥ה וְעֶשְׂרִ֣ים ׀ כִּכַּ֣ר זָהָ֗ב וּבְשָׂמִ֛ים לָרֹ֥ב מְאֹ֖ד וְאֶ֣בֶן יְקָרָ֑ה וְלֹ֤א הָיָה֙ כַּבֹּ֣שֶׂם הַה֔וּא אֲשֶׁר־ נָתְנָ֥ה מַֽלְכַּת־ שְׁבָ֖א לַמֶּ֥לֶךְ שְׁלֹמֹֽה׃ ¹⁰ וְגַם־ עַבְדֵ֤י וְעַבְדֵ֣י שְׁלֹמֹ֔ה אֲשֶׁר־ הֵבִ֥יאוּ זָהָ֖ב מֵאוֹפִ֑יר הֵבִ֛יאוּ עֲצֵ֥י אַלְגּוּמִּ֖ים וְאֶ֥בֶן יְקָרָֽה׃ ¹¹ וַיַּ֣עַשׂ הַ֠מֶּלֶךְ אֶת־ עֲצֵ֨י הָֽאַלְגּוּמִּ֜ים מְסִלּ֤וֹת לְבֵית־ יְהוָה֙ וּלְבֵ֣ית הַמֶּ֔לֶךְ וְכִנֹּר֥וֹת וּנְבָלִ֖ים לַשָּׁרִ֑ים וְלֹא־ נִרְא֥וּ כָהֵ֛ם לְפָנִ֖ים בְּאֶ֥רֶץ יְהוּדָֽה׃ ¹² וְהַמֶּ֨לֶךְ שְׁלֹמֹ֜ה נָתַ֣ן לְמַֽלְכַּת־ שְׁבָ֗א אֶת־ כָּל־ חֶפְצָהּ֙ אֲשֶׁ֣ר שָׁאָ֔לָה מִלְּבַ֖ד אֲשֶׁר־ הֵבִ֣יאָה אֶל־ הַמֶּ֑לֶךְ וַֽתַּהֲפֹ֛ךְ וַתֵּ֥לֶךְ לְאַרְצָ֖הּ הִ֥יא וַעֲבָדֶֽיהָ׃

Références croisées

9:1 1R 10:1, 1R 10:2-13, Mt 12:42, Lc 11:31, Gn 10:7, Gn 10:28, Gn 25:3, 2Ch 1:1, 2Ch 1:12, 1R 4:31, Ps 49:4, Ps 78:2, Pr 1:6, Mt 13:11, Mt 13:35, Ps 72:10, Ps 72:15, Es 60:6, 2Ch 9:9, Mt 2:11, 1S 1:15, Ps 142:2, Mt 12:34
Réciproques : 1R 4:34, 1Ch 18:10, Es 30:6, Es 39:2, Ez 27:22, Dn 5:12, Lc 12:27
9:2 Pr 13:20, Pr 18:4, Mc 4:11, Mc 4:34, Jn 15:15, Jc 1:5, 1R 3:12, 1R 4:29, Col 2:3, He 4:12
Réciproques : 1R 10:3, Dn 5:12
9:3 1R 10:3, Ac 11:23, 2Ch 3:1-2
Réciproques : 1R 10:4
9:4 1R 4:22-23, Pr 9:5, Jn 6:53-57, 1R 10:5, Lc 12:37, Ap 3:20, Ne 1:11, 2Ch 23:13, 2R 16:18, 1Ch 9:18, Ez 44:3, Ez 46:2, Ps 119:81, Ps 143:7, Ct 5:8, Dn 10:17, Ap 1:17
Réciproques : Gn 40:11, 1R 10:4, 1Ch 26:16, Ps 72:15, Mt 6:29
9:5 1R 10:6
Réciproques : 1R 3:12, 2Ch 9:6
9:6 Jn 20:25-29, 1R 10:7, Ps 31:19, Za 9:17, 1Co 2:9, 1Jn 3:2, 2Ch 9:5, 1R 4:31, 1R 4:34, Ct 5:9-16
Réciproques : 1R 10:6, 2Ch 9:23
9:7 Dt 33:9, 1R 10:8, Ps 27:4, Ps 84:10-12, Pr 3:3, Pr 3:14, Pr 8:34, Pr 10:21, Pr 13:20, Lc 10:39-42, Lc 11:28
Réciproques : 1R 5:7, 2Ch 9:23, Dn 1:5
9:8 1R 10:9, Ps 18:19, Ps 22:8, Es 42:1, Es 62:4, 1Ch 29:10, 1Ch 29:20, Ps 72:18-19, 2Co 9:12-15, 2S 15:25-26, 2Ch 2:11, Dt 7:8, 1Ch 17:22, 2S 8:15, 2S 23:3, 1R 3:28, Ps 72:2, Ps 99:4, Pr 21:3, Es 9:7, Es 11:1-5, Es 32:1-2, Jr 33:15-16, He 1:8-9
Réciproques : 1R 5:7, 1R 10:8, 2Ch 13:8
9:9 2Ch 9:24, 1R 9:14, 1R 10:10, Ps 72:10, Ps 72:15, 2Ch 9:1, Gn 43:11, Ex 30:34
Réciproques : 2Ch 32:23, Ct 4:14, Es 39:2, Ap 18:13
9:10 2Ch 8:18, 1R 9:27-28, 1R 10:22, 1R 10:11
Réciproques : 2Ch 32:23, Jb 22:24, Pr 31:14
9:11 1R 10:12, 1Ch 23:5, 1Ch 25:1, Ps 92:1-3, Ps 150:3-5, Ap 5:8
Réciproques : 1R 10:11, Ec 2:8
9:12 1R 10:13, Ps 20:4, Ep 3:20

Notes de la Bible Codex W. Leningrad

A savoir : les notes ne font PAS partie du texte biblique. Plus d'informations
2 Chroniques 9

9.9 We read one or more consonants in L differently from BHS.