VULC ¹ Canticum graduum. [Levavi oculos meos in montes,
unde veniet auxilium mihi.

VULC ² Auxilium meum a Domino,
qui fecit cælum et terram.

VULC ³ Non det in commotionem pedem tuum,
neque dormitet qui custodit te.

VULC ⁴ Ecce non dormitabit neque dormiet
qui custodit Israël.

VULC ⁵ Dominus custodit te ;
Dominus protectio tua super manum dexteram tuam.

VULC ⁶ Per diem sol non uret te,
neque luna per noctem.

VULC ⁷ Dominus custodit te ab omni malo ;
custodiat animam tuam Dominus.

VULC ⁸ Dominus custodiat introitum tuum et exitum tuum,
ex hoc nunc et usque in sæculum.]