VULC ¹ Canticum graduum. [Nisi quia Dominus erat in nobis,
dicat nunc Israël,

VULC ² nisi quia Dominus erat in nobis :
cum exsurgerent homines in nos,

VULC ³ forte vivos deglutissent nos ;
cum irasceretur furor eorum in nos,

VULC ⁴ forsitan aqua absorbuisset nos ;

VULC ⁵ torrentem pertransivit anima nostra ;
forsitan pertransisset anima nostra
aquam intolerabilem.

VULC ⁶ Benedictus Dominus, qui non dedit nos
in captionem dentibus eorum.

VULC ⁷ Anima nostra sicut passer erepta est
de laqueo venantium ;
laqueus contritus est,
et nos liberati sumus.

VULC ⁸ Adjutorium nostrum in nomine Domini,
qui fecit cælum et terram.]