VULC ¹ In finem. Psalmus David.

VULC ² [Exaudiat te Dominus in die tribulationis ;
protegat te nomen Dei Jacob.

VULC ³ Mittat tibi auxilium de sancto,
et de Sion tueatur te.

VULC ⁴ Memor sit omnis sacrificii tui,
et holocaustum tuum pingue fiat.

VULC ⁵ Tribuat tibi secundum cor tuum,
et omne consilium tuum confirmet.

VULC ⁶ Lætabimur in salutari tuo ;
et in nomine Dei nostri magnificabimur.

VULC ⁷ Impleat Dominus omnes petitiones tuas ;
nunc cognovi quoniam salvum fecit Dominus christum suum.
Exaudiet illum de cælo sancto suo,
in potentatibus salus dexteræ ejus.

VULC ⁸ Hi in curribus, et hi in equis ;
nos autem in nomine Domini Dei nostri invocabimus.

VULC ⁹ Ipsi obligati sunt, et ceciderunt ;
nos autem surreximus, et erecti sumus.

VULC ¹⁰ Domine, salvum fac regem,
et exaudi nos in die qua invocaverimus te.]