VULC ¹ In finem. Intellectus David,

VULC ² cum venit Doëg Idumæus, et nuntiavit Sauli : Venit David in domum Achimelech.

VULC ³ [Quid gloriaris in malitia,
qui potens es in iniquitate ?

VULC ⁴ Tota die injustitiam cogitavit lingua tua ;
sicut novacula acuta fecisti dolum.

VULC ⁵ Dilexisti malitiam super benignitatem ;
iniquitatem magis quam loqui æquitatem.

VULC ⁶ Dilexisti omnia verba præcipitationis ;
lingua dolosa.

VULC ⁷ Propterea Deus destruet te in finem ;
evellet te, et emigrabit te de tabernaculo tuo,
et radicem tuam de terra viventium.

VULC ⁸ Videbunt justi, et timebunt ;
et super eum ridebunt, et dicent :

VULC ⁹ Ecce homo qui non posuit Deum adjutorem suum ;
sed speravit in multitudine divitiarum suarum,
et prævaluit in vanitate sua.

VULC ¹⁰ Ego autem, sicut oliva fructifera in domo Dei ;
speravi in misericordia Dei, in æternum et in sæculum sæculi.

VULC ¹¹ Confitebor tibi in sæculum, quia fecisti ;
et exspectabo nomen tuum,
quoniam bonum est in conspectu sanctorum tuorum.]