VULC ¹ In finem, in carminibus. Intellectus David,

VULC ² cum venissent Ziphæi, et dixissent ad Saul : Nonne David absconditus est apud nos ?

VULC ³ [Deus, in nomine tuo salvum me fac,
et in virtute tua judica me.

VULC ⁴ Deus, exaudi orationem meam ;
auribus percipe verba oris mei.

VULC ⁵ Quoniam alieni insurrexerunt adversum me,
et fortes quæsierunt animam meam,
et non proposuerunt Deum ante conspectum suum.

VULC ⁶ Ecce enim Deus adjuvat me,
et Dominus susceptor est animæ meæ.

VULC ⁷ Averte mala inimicis meis ;
et in veritate tua disperde illos.

VULC ⁸ Voluntarie sacrificabo tibi,
et confitebor nomini tuo, Domine, quoniam bonum est.

VULC ⁹ Quoniam ex omni tribulatione eripuisti me,
et super inimicos meos despexit oculus meus.]