VULC ¹ In finem. In hymnis David.

VULC ² [Exaudi, Deus, deprecationem meam ;
intende orationi meæ.

VULC ³ A finibus terræ ad te clamavi, dum anxiaretur cor meum ;
in petra exaltasti me.
Deduxisti me,

VULC ⁴ quia factus es spes mea :
turris fortitudinis a facie inimici.

VULC ⁵ Inhabitabo in tabernaculo tuo in sæcula ;
protegar in velamento alarum tuarum.

VULC ⁶ Quoniam tu, Deus meus, exaudisti orationem meam ;
dedisti hæreditatem timentibus nomen tuum.

VULC ⁷ Dies super dies regis adjicies ;
annos ejus usque in diem generationis et generationis.

VULC ⁸ Permanet in æternum in conspectu Dei :
misericordiam et veritatem ejus quis requiret ?

VULC ⁹ Sic psalmum dicam nomini tuo in sæculum sæculi,
ut reddam vota mea de die in diem.]