VULC ¹ Psalmus ipsi David. [Cantate Domino canticum novum,
quia mirabilia fecit.
Salvavit sibi dextera ejus,
et brachium sanctum ejus.

VULC ² Notum fecit Dominus salutare suum ;
in conspectu gentium revelavit justitiam suam.

VULC ³ Recordatus est misericordiæ suæ,
et veritatis suæ domui Israël.
Viderunt omnes termini terræ
salutare Dei nostri.

VULC ⁴ Jubilate Deo, omnis terra ;
cantate, et exsultate, et psallite.

VULC ⁵ Psallite Domino in cithara ;
in cithara et voce psalmi ;

VULC ⁶ in tubis ductilibus, et voce tubæ corneæ.
Jubilate in conspectu regis Domini :

VULC ⁷ moveatur mare, et plenitudo ejus ;
orbis terrarum, et qui habitant in eo.

VULC ⁸ Flumina plaudent manu ;
simul montes exsultabunt

VULC ⁹ a conspectu Domini :
quoniam venit judicare terram.
Judicabit orbem terrarum in justitia,
et populos in æquitate.]