VULC ¹ Huic David, quando terra ejus restituta est. [Dominus regnavit : exsultet terra ;
lætentur insulæ multæ.

VULC ² Nubes et caligo in circuitu ejus ;
justitia et judicium correctio sedis ejus.

VULC ³ Ignis ante ipsum præcedet,
et inflammabit in circuitu inimicos ejus.

VULC ⁴ Illuxerunt fulgura ejus orbi terræ ;
vidit, et commota est terra.

VULC ⁵ Montes sicut cera fluxerunt a facie Domini ;
a facie Domini omnis terra.

VULC ⁶ Annuntiaverunt cæli justitiam ejus,
et viderunt omnes populi gloriam ejus.

VULC ⁷ Confundantur omnes qui adorant sculptilia,
et qui gloriantur in simulacris suis.
Adorate eum omnes angeli ejus.

VULC ⁸ Audivit, et lætata est Sion,
et exsultaverunt filiæ Judæ
propter judicia tua, Domine.

VULC ⁹ Quoniam tu Dominus altissimus super omnem terram ;
nimis exaltatus es super omnes deos.

VULC ¹⁰ Qui diligitis Dominum, odite malum :
custodit Dominus animas sanctorum suorum ;
de manu peccatoris liberabit eos.

VULC ¹¹ Lux orta est justo,
et rectis corde lætitia.

VULC ¹² Lætamini, justi, in Domino,
et confitemini memoriæ sanctificationis ejus.]